Акафист иконе Божией Матери Неупиваемая чаша

«Спаси, Господи!». Спасибо, что посетили наш сайт, перед тем как начать изучать информацию, просим подписаться Вас на наш видеоканал Молитвы и иконы. Так же подписывайтесь на нашу группу Вконтакте(Молитвы на каждый день) и сообщество в Одноклассниках(Молитвы на каждый день). У нас много полезной информации. «Храни Вас Господь!».

Акафист иконе Неупиваемая чаша приходит на помощь тем, у кого в доме есть такая беда, как пьянство. Не всегда удается справиться с алкоголизмом медикаментозными или психологическими методами. Поэтому часто прибегают к Господу в решении такой проблемы.

неупиваемая

Акафист Неупиваемая чаша

Эта икона Пресвятой Богородицы получила свою известность благодаря целительными свойствами в конце ХІХ века. В то время один солдат страдал от пьянства, пропивая все свои сбережения и имущество.

Однажды к нему явился старец и приказал перед иконой «Неупиваемая чаша» провести молебен. Солдат все откладывал поход в церковь и продолжал пить. Когда старец явился ему в четвертый раз, мужчине ничего не оставалось, как ползком добраться до храма, найти там икону, на которой была изображена Богородица с чашей и помолиться ей.

После исцеления солдата, слава про икону быстро разлетелась. К ней стали обращаться те, кто страдал недугом, и те, чьи близкие были подвержены пьянству. После к ней стали приходить помолиться и те, кто чудесным образом исцелился от болезни.

Акафист Неупиваемая чаша читать следует, соблюдая некие правила:

  • образ, к которому обращена молитва, должен быть представлен живым;
  • молиться нужно в хорошем настроении, без обид на окружающих;
  • вера должна быть всепоглощающей, посторонние мысли следует отбрасывать.

С верой в сердце и душе следует начинать читать акафист в таком порядке:

  • произнести молитву Богородице, которая исцеляет от алкоголизма;
  • прослушать акафист данной иконе;
  • находиться перед иконой Святой Девы, осознавая, что впереди живой человек, а не картина.

Сегодня в каждом храме находится икона Святой Девы Марии с чашей, поэтому помолится и заказать молебен может каждый нуждающийся. Также акафист можно прочесть и в домашних условия. Текст которого приведен ниже:

Тропарь, глас 4

Днесь притецем, вернии, к Божественному и пречудному образу Пресвятыя Богоматери, напояющей верных сердца небесною Неупиваемою Чашею Своего милосердия и людем верным чудеса показующей, яже мы видяще и слышаще духовно празднуем и тепле вопием: Владычице Премилостивая, исцели наша недуги и страсти, молящи Сына Твоего Христа Бога нашего спасти души наша.

Кондак, глас 6

Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти: ускори на молитву и потщися на умоление, предстательствующи присно, Богородице, чтущих Тя.

 Кондак 1

Избранное и дивное избавление нам даровася — Твой образ честный, Владычице Богородице, яко избавльшеся явлением его от недугов душевных и телесных и скорбных обстояний, благодарственная хваления приносим Ти, Всемилостивая Заступнице. Ты же, Владычице, «Неупиваемою Чашею» нами именуемая, приклонися благоутробно к нашим воздыханием и воплем сердечным, и избавление подаждь страждущим недугом пиянства, да с верою воззовем Ти: Радуйся, Владычице, Неупиваемая Чаша, духовную жажду нашу утоляющая.

 Икос 1

Ангельстии чини и праведников сонмы непрестанно славят Тя, Царицу Богородицу, Ходатаицу о многогрешнем роде христианстем, погрязшем в беззаконии и пребывающем во гресех, ибо во утешение и спасение даруеши ему милость Свою чрез многоименуемыя чудотворныя иконы Твоя, ихже яко звезды небесныя по всей земли нашей зрим; к единому же из сих образов, «Неупиваемая Чаша» именуемому, припадающе, из глубины сердца взываем Ти:



Радуйся, неприступнаго Божества селение.

Радуйся, непрестанное людей удивление.

Радуйся, скорбьми грехи наша очищающая.

Радуйся, печальми наша немощи врачующая.

Радуйся, милость Свою чрез чудотворныя иконы Твоя нам свыше посылающая.

Радуйся, явлением их скорбная сердца наша возвеселяющая.

Радуйся, пречудное всех с Богом примирение.

Радуйся, геенны вечныя избавление.

Радуйся, Владычице, Неупиваемая Чаша, духовную жажду нашу утоляющая.

Кондак 2

Видящи, Пресвятая Владычице, скорби сердечныя, муки душевныя, искреннее покаяние людей, одержимых губительным пороком пиянства, благоволила еси явити богоспасаемому граду Серпухову милость Свою явлением пречуднаго образа Своего «Неупиваемая Чаша», да вси к нему припадающе с верою и сокрушенным сердцем, получивше исцеление от тяжкаго недуга своего, из глубины души вопиют Богу: Аллилуиа.

Икос 2

Разумев трикратное явление преподобнаго Варлаама и повеление его в путь шествовати в богоспасаемый град Серпухов, человек некий, страстию пиянства одержимый, обрете тамо в монастыре икону Твою святую, «Неупиваемая Чаша» именуемую. Мы же, видяще таковое о нас, грешных, попечение, с благоговением вопием Ти:

Радуйся, чрез благочестивых людей славу чудес Твоих грешным открывающая.

Радуйся, Путеводительнице прозорливая, путь спасения им показующая.

Радуйся, Всеблагая наша Наставнице, любовию Твоею нас привлекающая.

Радуйся, за вся благодеяния Твоя благодарению нас научающая.

Радуйся, скорбь нашу в радость претворяющая.

Радуйся, несомненною надеждою нас увеселяющая.

Радуйся, губительныя страсти наша разрушающая.

Радуйся, благим намерением способствующая.

Радуйся, Владычице, Неупиваемая Чаша, духовную жажду нашу утоляющая.

 Кондак 3

Сила Вышняго и благодать Владычицы укрепляше некоего человека, страждущаго недугом пиянства, егда он, нози расслаблене имуще, иде во град Серпухов, повеление Богоматери, чрез преподобнаго Варлаама реченное, исполняя. Пришед же во град сей, обрете икону Пречистыя Богоматери, абие исцеле от недуга своего душевнаго и телеснаго, и из глубины души благодарственно воззва Богу: Аллилуиа.

 Икос 3

Имуще источник неоскудеваемый, неупиваемую чашу небесных дарований, не токмо люди града Серпухова, но и вся православныя христианы иных градов и весей, притекающии к Твоему пречудному образу «Неупиваемая Чаша» именуемому, и пред сим получив исцеление, припадающе, благодарными усты вопиют Ти:

Радуйся, купель, в нейже вся скорби наша погружаются.

Радуйся, чаше, еюже радость спасения нашего восприемлем.

Радуйся, наша немощи душевныя и телесныя врачующая.

Радуйся, страсти наша силою молитв Твоих укрощающая.

Радуйся, коемуждо во всякой потребе просящим полезная дарующая.

Радуйся, безчисленныя щедроты всем подающая.

Радуйся, милости сокровище нам открывающая.

Радуйся, милосердие к падшим являющая.

Радуйся, Владычице, Неупиваемая Чаша, духовную жажду нашу утоляющая.

 Кондак 4

Бурю внутрь имущии помышлений сумнительных, но с искренним покаянием притекающии к Твоему неизреченному милосердию, одержимии пиянственною страстию, получают исцеление, и из глубины сердца вопиют рожденному от Тебе Спасителю нашему: Аллилуиа.

 Икос 4

Слыша Господь тяжкия скорби, вопли и плач жен, стариц, детей, сродницы коих обуреваеми суть пиянственною страстию, дарова им, Владычице, Твою икону, от неяже вси притекающии обретают утешение и радость духовную, и вопиют Ти со слезами:

Радуйся, Агнице, рождшая Агнца, вземлющаго грехи мира.

Радуйся, чаше, черплющая нам радость от источника безсмертия.

Радуйся, скорбных матерей утешение.

Радуйся, безнадежных надеждо.

Радуйся, притекающих к Тебе благодатное охранение.

Радуйся, скорбящих отрадо и увеселение.

Радуйся, волнение страсти пиянства утишающая.

Радуйся, руку помощи Твоея требующим простирающая.

Радуйся, Владычице, Неупиваемая Чаша, духовную жажду нашу утоляющая.

 Кондак 5

Яко боготечную звезду, честную икону Твою Ты нам показала еси, Владычице мира, юже мы зряще, с верою сердечною молящеся Тебе, Богородице, глаголем: изцели пиянством и иною болезнею душевною и телесною страждущих, верных же научи воспевати хвалу Богу: Аллилуиа.

 Икос 5

Видяще чудеса преславныя и знамения пречудныя, бываемыя не токмо от иконы Твоея, Богомати, во граде Серпухове явленныя, но и от по подобию сея иконы списанных изображений, припадающе к ним, смиренно вопием Ти:

Радуйся, скоропредстательная Помощнице усердно к Тебе притекающих.

Радуйся, благосердная Услышательнице молений наших.

Радуйся, град Серпухов благословением Твоим осенившая.

Радуйся, в пределах сих славу чудес Твоих показавшая.

Радуйся, всем требующим сокровище исцелений неоскудное.

Радуйся, в трезвении благоподвизающихся всемощная Покровительнице.

Радуйся, ведущим брань противу мира, плоти, диавола и пиянства добрая Споспешнице.

Радуйся, в мире благочестно живущих усердная Заступнице.

Радуйся, Владычице, Неупиваемая Чаша, духовную жажду нашу утоляющая.

 Кондак 6

Проповедающе чудеса Твоя, Богородительнице, от иконы Твоея, «Неупиваемая Чаша» именуемыя, бываемая, молим Тя, Пречистая, со слезами: избави всех нас от виннаго пристрастия и от падения греховнаго, научи нас воздержанию, подвизая воспевати Богу: Аллилуиа.

 Икос 6

Возсияла еси в светлости Божественныя славы, Дево Богоотроковице, на Младенца, Превечнаго Бога, Господа нашего Иисуса Христа зрящи, Иже в сосуде, аки в неупиваемей чаше предстоит, якоже Тя видим изображенную на иконе Твоей, «Неупиваемая Чаша» таинственно пронареченней, от неяже избавление от пиянственныя страсти притекающим с верою даруеши; сего ради со слезами приносим Тебе гласы немолчныя сице:

Радуйся, яко о Тебе радуется и торжествует ангельский собор и человеческий род.

Радуйся, яко Твоя слава превосходит похвалы земныя и небесныя.

Радуйся, таинственным изображением Сына в сосуде Тайну Божественныя Евхаристии нам открывающая.

Радуйся, рожденнаго Тобою Агнца, всегда ядомаго и никогдаже иждиваемаго, нам дивно указующая.

Радуйся, чаше жизни и безсмертия, ко вратам вечныя жизни нас приводящая.

Радуйся, источником нетления и радости жаждущия души напояющая.

Радуйся, неисчетною благостию не оставляющая самых презренных и отверженных.

Радуйся, от рова погибели милосердием Твоим исхищающая безнадежных.

Радуйся, Владычице, Неупиваемая Чаша, духовную жажду нашу утоляющая.

 Кондак 7

Хотя человек некий возблагодарити Тя, Владычице, за исцеление от недуга пиянства, украси Твою пречудную икону, Богомати, во граде Серпухове пребывающую, из глубины сердца воспевая Богу: Аллилуиа.

 Икос 7

Новое чудо видим, Владычице от иконы Твоея святыя: страждующий бо недугом пиянства некий раб Божий Стефан, прибегая к Твоему матернему предстательству, от тяжкаго недуга своего избавися, и благодаряще Тя, благолепными дары икону Твою украси, и припадающе к ней, со слезами возопи Тебе тако:

Радуйся, Живоносный Источниче исцелений.

Радуйся, чаше небесная Божественных дарований.

Радуйся, реко исцелений приснотекущая.

Радуйся, море, вся наша страсти потопляющее.

Радуйся, под тяжестию греха пиянства падающих матернима рукама Твоима возставляющая.

Радуйся, благодарственныя дары не отвергающая.

Радуйся, сердца благочестивых людей возвеселяющая.

Радуйся, вся благая наша прошения исполняющая.

Радуйся, Владычице, Неупиваемая Чаша, духовную жажду нашу утоляющая.

 Кондак 8

Странно и сумнительно неверующим слышати, како икона Твоя святая «Неупиваемая Чаша» Божественных исцелений источает чудо. Мы же, верующие слову Твоему, Владычице, реченному к первописанней Твоей иконе: «Благодать Рождшагося от Мене и Моя с сею иконою да будет», — веруем, яко и сия икона Твоя благодать Твою источает. Темже благоговейно покланяющеся, лобызаем ю, вопиюще Богу: Аллилуиа.

 Икос 8

Все упование людие, страждущии недугом пиянства, на Тя, Владычице, возлагают. Приклонися к немощем и страстем нашим: кто бо нас, грешных, изведет из рова погибели и нищеты духовныя и телесныя, аще не ты, Владычице. Сего ради (преклоньше колена) пред Твоим пречистым образом вопием Ти тако:

Радуйся, моления грешников не отвергающая.

Радуйся, призывающим Тя Свою небесную помощь ниспосылающая.

Радуйся, глубину милосердия Твоего грешным показующая.

Радуйся, отчаянных и безнадежных ободряющая.

Радуйся, одержимым страстию пиянства руку помощи простирающая.

Радуйся, терпеливых страдальцев благодатными дарами утешающая.

Радуйся, недуги наша, душевныя и телесныя, врачующая.

Радуйся, суетныя радости мира сего презирати нас научающая.

Радуйся, Владычице, Неупиваемая Чаша, духовную жажду нашу утоляющая.

 Кондак 9

Всякое естество ангельское удивися делу Твоего милосердия, Господи, яко даровал еси грешному роду человеческому твердую Заступницу и Помощницу, к нашим немощем преклоняющуюся и от горькаго недуга пиянства свобождающую, верныя же научающую пети Богу: Аллилуиа.

 Икос 9

Ветии человечестии недоумеют восхвалити по достоянию славное, Владычице, иконы Твоея явление, ниже мы, грешнии, от скверных устен наших возможем принести достойное похваление Заступнице нашей. Обаче неисчетная чудеса, иконою Твоею являемая, видевше, душею и сердцем радуяся, Тебе глаголем:

Радуйся, от священнаго лика Твоего чудеса источающая.

Радуйся, от бед и скорбей скоро избавляющая.

Радуйся, отвергающих Тя посрамляющая.

Радуйся, от всякаго зла прибегающих к Тебе сохраняющая.

Радуйся, кротким сиянием Твоим мрак греха и мглу страстей наших разгоняющая.

Радуйся, души наша любовию к Тебе и Сыну Твоему исполняющая.

Радуйся, на стезю покаяния нас премудре наставляющая.

Радуйся, добраго ответа пред Судиею Праведным нам усердная Ходатаице.

Радуйся, Владычице, Неупиваемая Чаша, духовную жажду нашу утоляющая.

 Кондак 10

Спасти хотя многия страждущия недугом пиянства, чудную икону Твою, Богомати, даровала еси, да вси одержимии сею страстию к чудотворному образу Твоему притекают и, получивше исцеление, во умилении взывают Богу: Аллилуиа.

 Икос 10

Стена еси и щит, Богомати, людем, страждущим недугом пиянства, и всем усердно к Тебе притекающим и икону Твою святую благоговейно чтущим: ибо сию дарова нам благих податель Господь в помощь и врачевство от губительной страсти, и сим внушает нам пети Тебе:

Радуйся, отчаянных надеждо и печалей наших утоление.

Радуйся, болезней душевных и телесных исцеление.

Радуйся, нашу скверну чистотою Твоею очищающая.

Радуйся, Своею благодатию наше недостоинство просвещающая.

Радуйся, брение наше тленное в нетление облекающая.

Радуйся, моления наша Твоим предстательством подкрепляющая.

Радуйся, в неможении нашем нас утверждающая.

Радуйся, облегающий нас облак страстей скоро разгоняющая.

Радуйся, Владычице, Неупиваемая Чаша, духовную жажду нашу утоляющая.

 Кондак 11

Пение наше смиренное, от полноты любви и усердия Тебе приносимое, не презри, Чистая, и не отврати от отчаявшихся и страждущих недугом пиянства лика Своего, но помози им и нам очиститися от всякия скверны греховныя, да возможем достойно и праведно пети Богу: Аллилуиа.

 Икос 11

Светоприемную свещу зрим Тя, Пресвятая Дево, ибо образ Твой святый лучами благодати Твоея мглу греховную прогоняет и на светлую стезю добродетелей наставляет с верою зовущих Ти таковая:

Радуйся, заступлением Твоим от суеты мира сего многомятежнаго нас избавляющая.

Радуйся, приражения страстей плотских отражати нам помогающая.

Радуйся, мысль благу в сердце наше полагающая.

Радуйся, нечистую совесть нашу просвещающая.

Радуйся, от мучительнаго недуга пиянства страждущих избавляющая.

Радуйся, к искреннему покаянию и вразумлению призывающая.

Радуйся, души всех озлобленных умягчающая.

Радуйся, на помощь Тя призывающих и имя Твое славящих спасающая.

Радуйся, Владычице, Неупиваемая Чаша, духовную жажду нашу утоляющая.

 Кондак 12

Благодать Божия, присущая иконе Твоей, «Неупиваемая Чаша» именуемой, влечет к ней, Владычице, всех скорбящих, обездоленных, вдов и стариц, а наипаче же всех страждущих недугом пиянства, и не тщетны отходят, Пречистая, от неупиваемыя чаши Твоих Божественных дарований, но неоскудно получая цельбы от чудотворнаго образа Твоего, Всеблагая, благодарственно поют Богу: Аллилуиа.

 Икос 12

Поюще Твоя чудеса и велию милость, людем, одержимым страстию пиянства, явленныя, молим Тя, Владычице: спаси, помилуй и настави нас на стезю праву и не остави нас, покрова Твоего ищущих и зовущих Ти:

Радуйся, к воздержанию от греха пиянства всех подвизающая.

Радуйся, от пристрастия к вину росою милости Твоея свобождающая.

Радуйся, страждущих от тяжкаго греха пиянства присное врачевание.

Радуйся, бедствующим в страстех скорая Помощнице.

Радуйся, малодушных дивное ободрение.

Радуйся, благодушных велия радосте.

Радуйся, гордых смиряющая.

Радуйся, смиренныя возвышающая и всем спасения желающая.

Радуйся, Владычице, Неупиваемая Чаша, духовную жажду нашу утоляющая.

 Кондак 13

О Премилостивая Мати Сладчайшаго Господа нашего Иисуса Христа! Нынешнее наше услыши моление и избави нас от всех недугов, душевных и телесных, наипаче же освободи страждущих недугом пиянства, да не во зле погибнут, но да спасеннии Тобою, присно вопиют Богу: Аллилуиа.

 (Этот кондак читается трижды, затем икос 1 и кондак 1)

Господь всегда с Вами!

Смотрите так же и видео акафист иконе Богородицы Неупиваемая чаша:

Молитвы • Очень полезные молитвы на каждый день
Молитвы на счастье в семье, личной жизни, браке и не только
Молитва о семейном счастье является вполне естественной для каждого, кто желает жить в любви и понимании с супругом, детьми, родителями. В понимании верующего человека счастливая семья – это взаимная любовь, поддержка, уважение, и это все в сопровождении Господа.Семей... Читайте далее
Молитвы • Очень полезные молитвы на каждый день
Молитва от сглаза и зависти злых людей
Практически каждый человек на своем жизненном пути может повстречать «небезразличных» людей к чужому счастью и успеху, причем такие завистники, зложелатели и другие плохие люди могут встретиться человеку абсолютно везде. В наше время мало кто из людей способен завидоват... Читайте далее
Молитвы • Очень полезные молитвы на каждый день
Молитва о прощении грехов очень сильная
У всех народов, которые живут на Земле, есть тайные слова, которые в обязательном порядке передаются  из старшего поколения к младшему, и благодаря которым, человек обращается к высшим силам, к Господу Богу. Такие слова называют   молитвой. Основное обращение –  молитва Го... Читайте далее
Молитвы • Очень полезные молитвы на каждый день
Молитва Ксении Петербургской о замужестве, о любви, о благополучии, о здоровье и др.
Толпы паломников стекаются к могилке Блаженной, к тесной маленькой часовне. Верующие и сами прикладываются к ее гробнице, и прикладывают иконки с изображением ее святого лика. Просят люди о здоровье своем и близких своих, о покровительстве в делах мирских, о даровании дете... Читайте далее
Иконы
Святой Иоанн Воин: акафист, икона, в чем помогает
Родился же Святой еще в 1690 г. в семье благочестивых верующих людей. Само имя мученика в переводе означает Яхве то есть Бог, Божья благодать и именно его самопожертвование и милость ради нуждающихся в помощи людей сделали его имя наиболее из распространенным и излюбленным с... Читайте далее
Иконы
Икона святого Луки: житие, в чем помогает
Для православных верующих огромное значение имеют не только святые, которые знамениты своими подвигами перед Господом Богом. Важную роль в жизни верян играют простые священнослужители, которые заслужили любовь и верность благодаря своей всепоглощающей вере и умению тво... Читайте далее
Иконы
Икона Святой Елены в чём помогает
Икона Святой Елены – это величайшая реликвия в истории православия. Она – часть прошлого, которая пришла в будущее, дабы остаться в нём на века, превратившись в один из самых почитаемых образов. В ней – душа народа, его боль и страдания, тяжёлые периоды становления и вера, к... Читайте далее
Иконы
Икона "Нерушимая стена"- значение, в чем помогает
Каждый человек хочет уберечь себя и своих родных от разных бед и недугов. Те, кто верует в Бога, обращаются за помощью к одному из самых почитаемых православных образов - иконе Богородицы "Нерушимая стена".Этот образ Божьей Матери считается прекрасным произведением иск... Читайте далее
Интересное в православии • Это необходимо знать каждому
Мздоимство и лихоимство, значение и отличия
Восьмой заповедью Божьей считается избежание совершения греха лихоимства. Существуют синонимы этого старорусского слово: мздоимство, взятничество, скверноприбытчество.  Но использовать эти слова в одном контексте все же не стоит. Имеют мздоимство и лихоимство некие отл... Читайте далее
Интересное в православии • Это необходимо знать каждому
Как ставить свечи за здравие в церкви
В традициях православной христианской церкви свеча представляет собой незаменимый атрибут в церемонии священнодействия. При этом сама горящая свечка считается зримым знамением, олицетворяющим теплое и светлое человеческое сердце, наполненное горящей любовью к Всевышн... Читайте далее
Это необходимо знать каждому
Что такое покаяние в православии
Не стоит говорит о том, насколько является важным таинство покаяния, ведь без него вся православная жизнь просто невозможна, даже ее начало не может обойтись без покаяния. Поэтому верующий христианин постоянно возвращается к раскаянию, но не только мысленно, а обязательно... Читайте далее
Традиции православия • Это необходимо знать каждому
Таинство соборования: что это такое, суть, соборование на дому
В числе великих церковных таинств выделяют обряд Соборования. По церковному это действие называют Елеосвящение. Вокруг этого таинства существует много предрассудков. Постараемся в этой статье ответить на самые распространенные вопросы, связанные с таинством: для чего н... Читайте далее
Традиции православия • Это необходимо знать каждому
Таинство Евхаристии, как происходит обряд
Одним из главных обрядов Церкви является Таинство Евхаристии.  Данный церковный обряд способен очистить душу, возвышает и приближает к пониманию божественного. Чем является Таинство Евхаристии и молитвы Евхаристии, рекомендации по подготовке и кто может причащаться - ра... Читайте далее
Традиции православия
Панихида по усопшим: как заказать, что нести в церковь
В жизни каждого, к огромному сожалению, наступает день, когда он теряет близкого человека. Тогда время останавливается – и всё вокруг “умирает” вместе с ним. Человек уходит навсегда. Мы не в силах его вернуть, но здесь, в земной жизни, вспоминая о нём, тем самым помогаем ему ... Читайте далее
Традиции православия
Праздник Сретение Господние, что означает, приметы, история
Каждый из нас хоть раз в своей жизни слышал о великом церковном празднике Сретение Господние, но далеко не каждый до конца может понять его истинное значение. Впервые история праздника Сретение Господне начинается в IV веке. Тогда праздничное богослужение проводили исключ... Читайте далее
Традиции православия
Обряд крещения ребенка и взрослого в православии, правила
На сегодняшний день является модным быть крещенным и иметь при себе все соответствующие крестильные предметы. Но перед таким важным событием, как крестины, стоит задуматься: отдать дань моде или же осознанно выбрать такой путь. В этой статье пойдет речь о том, какое значен... Читайте далее
Обязательно к прочтению:  Чудотворная молитва о семье

Добавить комментарий

Ваш e-mail не будет опубликован. Обязательные поля помечены *