Акафист Смоленской Божьей Матери

«Спаси, Господи!». Спасибо, что посетили наш сайт, перед тем как начать изучать информацию, просим подписаться Вас на нашу группу Вконтакте Молитвы на каждый день. Так же посетите нашу страничку в Одноклассниках и подписывайтесь на ее Молитвы на каждый день Одноклассники. «Храни Вас Господь!».

Чудотворная икона Пресвятой Богородицы Смоленская на Руси известна с давних времен. Ее относят к иконописному стилю Одигитрия, что в переводе с греческого языка означает «Путеводительница». Почему такое название? Православной Церковью было принято несколько версий такого происхождения.

смоленская

Главная причина, что Пресвятая Матерь Божья наставляет православных христиан к неоспоримой истине и к вечному спасению. Акафист Смоленской иконе Девы Небесной уже много столетий помогает людям обращаться к всевышним силам для помощи в борьбе против злых и нечистых сил, против болезней, в поисках решений трудных ситуаций или обретения семейного очага.

История чудотворного образа Смоленской Богородицы

Эта икона была создана святым евангелистом Лукой еще при жизни матери Иисуса — Марии. С того времени она остается самой почитаемой иконой в Православной Церкви. Первое время она хранилась в Константинополе в Влахернском монастыре. С 988 года образ Богородицы всегда находился на землях Руси.

На сегодняшний день к иконе ежедневно приходит очень много паломников. К Богоматери обращаются с просьбами обо всем, ведь у современного человека, к сожалению, очень много житейских проблем.

Акафист Смоленской Божьей Матери — в чем помогает

Молитвенное песнопение перед данным образом, прежде всего, помогает сохранить мир в нашем доме и на нашей земле. Поэтому акафист Смоленской иконе Божьей Матери следует читать каждое утро, чтобы уберечь себя:

  • от возможных болезней и эпидемий;
  • от несчастных случаев во время воинской службы;
  • от несчастий в путешествии или дальней дороге;
  • от войны или военных действий (помогает победить врагов Родины).

Тест акафиста, который нужно читать перед Смоленской иконой Матери Божьей:

Кондак 1

Избранней от всех родов, Небеси и земли Царице, Пресвятей Богородице Одигитрии, яко избавльтеся от вечныя смерти благодатию от Тебе рождшагося Христа Бога нашего и Твоим Матерним пред Ним ходатайством, благодарственное пение приносим Ти, раби твои. Ты же, Всемилостивая наша Заступнице, от всяких нас бед и скорбных обстояний свобождай и к царствию горнему путеводствуй, да зовем Ти: Радуйся, Богородице Одигитрие, христиан упование!

Икос 1

Архангельский глас вопием Ти, Чистая: радуйся, Благодатная Одигитрие Марие, и радости духовныя исполни нас, да благоговейною душею и чистым сердцем принесем Ти, рождшей миру Спасителя Христа Бога нашего, глаголы сия: Радуйся, Бога Отца благоволением осененная; Радуйся, Бога Сына Мати неискусобрачная. Радуйся, Бога Духа Святаго обитель священная; Радуйся, Троическия тайны проявление. Радуйся, Ангельских умов удивление; Радуйся, человеческаго рода украшение. Радуйся, горняя с дольними совокупившая; Радуйся, врата райския земнородным отверзшая. Радуйся, лествице небесная; Радуйся, стамно Богоприимная. Радуйся, Купино неопалимая; Радуйся, трапезо Пресвятая. Радуйся, Богородице Одигитрие, христиан упование!

Кондак 2

Видев икону Пресвятаго Твоего лика, Богородице Дево, юже всехвальный евангелист Лука написа, рекла еси о ней пречистыми усты Твоими: «С сею иконою благодать Моя и сила». Таковое обетование Твое уведевше, благоговейно почитаем Пресвятый образ Твой, Владычице, и воспеваем Сыну Твоему и Богу: Аллилуиа.

Икос 2

Уразумев благоволение Твое, Богородице, к сей иконе Твоей, славный Апостол Лука дарова ю в благословение и освящение Христовой Церкви Антиохийстей, в ней же Путеводительницей она наименовася и чудесы божественными прославися. О сем благодаряще Тя, Госпоже Всеблагая, яко подобие Пречистого лика Твоего во утешение нам оставила еси, усердно Тебе вопием: Радуйся, Царице горних и дольних; Радуйся, Владычице ангелов и человеков. Радуйся, мира умирение; Радуйся, древния вражды разрушение. Радуйся, девства столпе; Радуйся, смирения глубино. Радуйся, облаченная в солнце; Радуйся, сияющая Божественною славою. Радуйся, Мати Света Невечерняго; Радуйся, раю сладости небесныя. Радуйся, вертограде Христов благоуханный; Радуйся, одре Царя Великаго. Радуйся, Богородице Одигитрие, христиан упование!

Кондак 3

Силою Божиею чудеса предивныя совершахуся от иконы Твоея, Богомати Владычице, егда принесена она бысть в Царьград и в преславнем Влахернстем храме поставлена; слепыя просвещаше, всяк недуг в людех врачеваше благодатию Твоею, Богородице, да вси зовем прославльшему Тя Богу: Аллилуиа.

Икос 3

Имеяше Тя Царьград Заступницу державную, Богородице Дево, и во дни нападения на него врагов сильных и бранеискусных, помощь Твою чудесную от святыя иконы Твоея Одигитрии получавше многочудесно. Темже молимся Тебе, Всеблагая, якоже древле град оный многажды от погибели спасла еси, тако и нас смиренных спаси от погибели вечныя Матерним предстательством Твоим ко Христу Богу, да благодарно зовем Ти: Радуйся, Царьграда крепкое ограждение; Радуйся, Влахернскаго храма благодатное сокровище. Радуйся, нечистивых ратей одоление; Радуйся, врагов Православия посрамления. Радуйся, чад Христовых Предводительнице к победам; Радуйся, Помощнице скорая в бедах к Тебе притекающих. Радуйся, Заступнице усердная молитвенно Тя призывающих; Радуйся, богомудрых святителей споспешнице во благовестии Христовом. Радуйся, похвале жен и дев слава; Радуйся, столпе огненный, зной страстей умеряющий. Радуйся, столпе облачный, мрак грехов разгоняющий. Радуйся, Богородице Одигитрие, христиан упование!

Кондак 4

Бурею морскою корабли прегордаго Кагана, град Твой пленити восхотевшаго, сокрушила еси, Владычице, и победу над ним людем христоименитым даровала еси от святыя иконы Твоея Одигитрии, лучи света небеснаго испуская и вои православныя ими просвещая, да вси увидят, яко Ты еси воистину Воеводо державная Царьграда и прославят милости Твоя и чудеса, воспевая Спасителю Богу: Аллилуиа.

Икос 4

Слышавше о чудесех Твоих преславных, Богородице Дево, яже от иконы Твоея явила еси в Царьграде, недоумеем, како икона та, носимая по стогнам града, силою Божественною носившими ю управляше и стопы их по воле Твоей направляше; направи убо Владычице, и наша стопы на путь исполнения заповедей Христовых, и научи нас верно исполняти святую волю Сына Твоего и Бога, да Тебе вопием сице: Радуйся, свеще неугасимая; Радуйся, звездо незаходимая. Радуйся, сияющая светом Божественным; Радуйся, просвещающая благодатию души верных. Радуйся, мира Христова благоухание; Радуйся, земли освящение. Радуйся, чаше, черплющая радость всему миру; Радуйся, источниче, изливающий вечную сладость. Радуйся, чертоже благоукрашенный Царя Царей; Радуйся, рая краснейшая. Радуйся, утра светлейшая. Радуйся, Богородице Одигитрие, христиан упование!

Кондак 5

Яко Боготечная звезда, икона Твоя, Богомати Владычице, благоволением Твоим от Царьграда в страну Российскою принесеся, и граду Смоленску в наследие благодатное даровася, темже благодарим Тя, о Госпоже Всемилостивая, яко таковой дар святый Отечеству нашему даровала еси, и поем в Троице славимому Богу: Аллилуиа.

Икос 5

Видевше преславное заступление Твое града Смоленска, Пречистая Владычице, прославляем великую Твою милость, еюже град сей от разорения Батыева чудесно спасла еси, гласом Божественным от иконы Твоея исшедшим, угодника Христова Меркурия на единоборство с предводителем рати Батыевой послав; егоже он мечем своим порази и град Твой от запаления огненнаго избави. Самого же его венцем мученическим увенчала еси, того молитвами небесными сподоби нас на земли неосужденно взывати к Тебе: Радуйся, мученика Христова Меркурия на подвиг ратный укрепившая; Радуйся, гласом от иконы Твоея святыя его воодушевившая. Радуйся, яко Давида на Голиафа победою его увенчавшая; Радуйся, града Смоленска крепкое защищение. Радуйся, град Твой от разорения избавившая; Радуйся, Избавительнице от плена и поражения. Радуйся, страны Российския благодатное утешение; Радуйся, Церкви Христовой Боголепное украшение. Радуйся, любящих Тя присное радование; Радуйся, Утолительнице печалей. Радуйся, болящих исцеление; Радуйся, унывающих ободрение. Радуйся, Богородице Одигитрие, христиан упование!

Кондак 6

Проповедует страна Российская милости и чудеса Твоя, Пречистая Дево, Богородице, и град Смоленск светло красуется, имея чудотворную икону Твою, всякия болезни исцеляющую и недужным здравие подающую. Сего ради со благоговением почитаем многоцелебный образ Твой, Госпоже Всеблагая, и поклоняющеся ему, яко залогу Твоего к нам благоволения, вопием Богу: Аллилуиа.

Икос 6

Воссияла еси в стране Российстей лучами Божественных чудес от святыя иконы Твоея исходящими, Пречистая Владычице, к нейже от лет древних отцы наши прихождаше в скорбех и болезнех и нетщи отхождаше. Им же вслед и мы к Тебе приходяще и с любовию благоговейно лобызая образ Твой чудотворный, молимся Тебе: утоли печали наша, уврачуй недуги наша, да зовем Ти: Радуйся, жезле старости; Радуйся, вдовиц Заступление. Радуйся, сирот призрение; Радуйся, младенцев воспитание. Радуйся, нищих снабдение; Радуйся, пленных свобождение. Радуйся, скорбящих утешение; Радуйся, столпе и утверждение девства. Радуйся, иноков Покровительнице; Радуйся, инокинь Наставнице. Радуйся, постников укрепление. Радуйся, подвижников вразумление. Радуйся, Богородице Одигитрие, христиан упование!

Кондак 7

Хотя даровати граду Москве причастие благодати от святыя иконы Твоея, Владычице Всемилостивая, благоволила еси принести икону Твою от Смоленска в Москву, да тамо пребывая, чудесы многими прославится. Егда же по умолению жителей Смоленска, возращашеся образ Твой святый в град их, на месте прохождения иконы Твоея Одигитрии, обитель дев во имя Твое сооружена бысть; в нейже, под осенением чудотворныя иконы Твоея с верою и любовию воспеваем немолчную песнь Богу: Аллилуиа.

Икос 7

Новосозданная обитель инокинь во граде Москве благоговейно чествует святое подобие чудотворныя иконы Твоея Одигитрии, милости неизреченныя источающее верным, ея же осенением люди православныя благодарно угешаеши и в подвигах поста и молитвы утверждаеши, подвизая их немолчно воспевати Матерния Твоя щедроты и благодарно взывати Тебе: Радуйся, Богом возлюбленная Царице; Радуйся, Бога возлюбившая Владычице. Радуйся, едина благословенная в женах; Радуйся, небесных радование. Радуйся, земных Заступление; Радуйся, демонов посрамление. Радуйся, ада попрание; Радуйся, укрепленная силою Господа Сил. Радуйся, облеченная властию Царицы Неба и земли; Радуйся, воинствующих на плоть целомудрием благая Помощнице. Радуйся, подвизающихся в посте и безмолвии милостивая Утешительнице. Радуйся, Богородице Одигитрие, христиан упование!

Кондак 8

Странствие земное многоскорбное и многомятежное услаждаеши нам Матерним Твоим о нас попечением, Богородице, и во дни скорбных обстояний помощь святую являеши нам во спасение. Памятуем и исповедуем, Владычице, Твое заступление, егда галлы страну Российскую разориша и град Москву плениша, Ты икону Свою святую Одигитрию от Смоленска в полцы воинства Российскаго благоволила еси принести и тем вои православныя воодушевила еси, славную победа им дарова, предстательством Твоим к Сыну Твоему и Богу. Ему же поем: Аллилуиа.

Икос 8

Вся милости и щедрот преисполненная, Всеблагая Мати Божия, воинству православнороссийскому помощь и одоление на враги преславно даровала еси. Галлы с бесчестием от Отечества нашего отгнала еси, и егда не бе нам уже спасения надежды, яко и наш град пленен и разорен бысть; победою дивною нас увенчала еси. Всегда памятуя таковое Твое заступление, хвалебно Тебе вопием: Радуйся, страну нашу Российскую от нашествия иноплеменных предивно избавившая; Радуйся, гордых силою Своею со стыдом вспять возвратившая. Радуйся, иноверных ратей Всесильная Победительнице; Радуйся, православного воинства Державная Пособнице. Радуйся, иконою Твоею святою с воинами Российскими милостивно пребывавшая; Радуйся, чудотворным образом Твоим полки их освящавшая. Радуйся, изнемогающих силою свыше укрепляющая; Радуйся, беспомощным помощь Твою святую подающая. Радуйся, обидимых правосудная Заступнице; Радуйся, ненадежных Надеждо. Радуйся, печальных отрадо; Радуйся, Богородице Одигитрие, христиан упование!

Кондак 9

Вси верныя с радостию и утешением видят образ Твой святый, на нем же умиленно взираеши на Богомладенца Христа, сего ради молим Тя, Всеблагая, яко Матерь вся содержащаго в деснице Своей Владыки: воззри и на нас скоромилостиво, и умоли Господа, да помилует нас недостойных. Научи нас, Владычице, молитися Ему благоприятно, и неосужденно пети Ему нескверными усты и чистым сердцем Ангельскую песнь: Аллилуиа.

Икос 9

Витийство наше песенное не довлеет к прославлению многих Твоих чудес, Богородице Одигитрие, ихже от святыя иконы Твоея явила еси и присно являеши верным: обаче Ты, яко воистину Благая Мати, веру и усердие наше приими; веси бо и любовь к Тебе нашу, еюже сердца наша пламенеют, и милостиво услыши сия в простоте составленныя похвалы: Радуйся, обрадованная Приснодево; Радуйся, Невесто Неневестная. Радуйся, селение Бога Слова; Радуйся, обитель Святейшаго Святых. Радуйся, с Сыном Царем небес вечно царствующая; Радуйся, Матернее дерзновение к Нему имеющая. Радуйся, молитвам верных милостиво внемлющая; Радуйся, любящим Тя, любовию Твоею Божественною воздающая. Радуйся, Сиона горняго украшение; Радуйся, мира дольняго защищение. Радуйся, граде спасения нашего притекания; Радуйся, горо святая, сошествием Божиим прославленная. Радуйся, Богородице Одигитрие, христиан упование!

Кондак 10

Спаси нас, Владычице, от погибели вечныя Матерним предстательством Твоим ко Христу Богу, и сподоби нас узрети Тя в час кончины нашея, от руки лютаго миродержителя душу нашу соблюдающую: да помощию Твоею Святою избегнем его сетей и сподобимся Царствие Небесное получити и в радости вечней воспевати Человеколюбцу Богу: Аллилуиа.

Икос 10

Стена еси девам, Богородице Дево, и всем ревнителем девства и чистоты усердная Помощнице. Молим Тя, Пречистая, очисти наша сердца от всякия скверны греховныя, и украси души наша целомудрием и чистотою; да невредимы пребудем от всех искушений мира, плоти и диавола, и сподобимся достойно возглашати Тебе песни таковая: Радуйся, добрая Младопитательнице девам; Радуйся, благосердая Попечительнице сирот. Радуйся, тихое прибежище обуреваемых страстями; Радуйся, надежное пристанище смущаемых искушениями. Радуйся, Мздовоздаятельнице подвижников целомудрия; Радуйся, Споборнице борющихся со враги невидимыми. Радуйся, милостивая Посетительнице неповинно осужденных; Радуйся, благая Утешительнице напрасно оклеветанных. Радуйся, Божественная Свободительнице сущих в плену и изгнании; Радуйся, всемощная Покровительнице труждающихся и обремененных. Радуйся, Судии Праведнаго умоление; Радуйся, грешных с Богом примирение. Радуйся, Богородице Одигитрие, христиан упование!

Кондак 11

Пение всеумиленное слышаще от верных рабов Твоих возносимое, Ты, Пречистая Мати Дево, яко имущая милосердие неизреченное, насыти нас пищею нетленною Слова Божия и научи нас всегда исполняти животворныя заповеди Господа нашего; Его же умоли, Предстательнице наша Всеблагая, да ниспослет милость Свою нам недостойным и сподобит нас унаследовати Его всесветлое и всеблаженное Царствие, идеже от всех святых поется Ему хвалебная песнь: Аллилуиа.

Икос 11

Светлыми лучами чудес Твоих, Богородице Дево, просвещаеши нас благодатно, и от святыя иконы Твоея Одигитрии утешение духовное ниспосылаеши угодникам Божиим. Нам же, грешным, дары целебныя подаеши от Нея неоскудно, да зовем Ти благодарственно и хвалебно: Радуйся, Агнца и Пастыря Нетленнаго рождшая; Радуйся, девство и славу Матери в Себе сочетавшая. Радуйся, крине девства, к чистому и девственному житию приводящая; Радуйся, избранникам Божиим любовь Твою святую являющая. Радуйся, угодникам Господним веления Небесныя открывающая; Радуйся, преподобнаго Сергия Радонежскаго посещением Твоим сподобившая. Радуйся, преподобнаго Кирилла Белоезерскаго гласом от иконы Твоея на Белоозеро наставившая; Радуйся, преподобнаго Савватия Соловецкаго в подвигах пустынных укрепившая. Радуйся, святителя Митрофана Воронежскаго иконою Твоею облагодатствовавшая. Радуйся, обителей Христовых покров и снабдение; Радуйся, рабов Божиих среди мира, тайное вразумление. Радуйся, Богородице Одигитрие, христиан упование!

Кондак 12

Благодать Божия действует в чудесех, преславно являемых от святаго образа Твоего, Преблагословенная Богородице Дево, ею же и наши души просвети, мрак греховный разгоняя сиянием Солнца Правды Христа, да во свете повелений Его, богоугодно житие сие временное поживем во всяком благочестии и чистоте и сподобимся блаженство вечное получити и со избранными пети Богу: Аллилуиа.

Икос 12

Поюще Твоя чудеса, Богородице, проповедуем милости Твоя, прославляем щедроты Твоя неиссчетныя и, припадая к чудотворней иконе Твоей, молим Ти ся с верою и любовию: буди нам Путеводительница Благая к светлому граду Иерусалиму Небесному, да узрим Тя с высоты славы Твоея Божественныя на нас милостивно взирающую и вкупе со святыми воспоем Ти сице: Радуйся, радосте наша Пресвятая; Радуйся, Царице наша Преблагая. Радуйся, усыновившая нас при кресте Сына Твоего и Бога; Радуйся, Матернюю любовь к нам являющая. Радуйся, во благих желания наши дивно исполняющая; Радуйся, скоропослушливая к смиренным молитвам. Радуйся, покровом Твоим святым нас покрывающая; Радуйся, ризою Твоею честною благонадежно нас защищающая. Радуйся, в час кончины нашея Всесильная нам Помощнице; Радуйся, в мытарствах воздушных державная нам Заступнице. Радуйся, телес наших безвозмездное врачевание; Радуйся, душ наших спасение. Радуйся, Богородице Одигитрие, христиан упование!

Кондак 13

О Всепетая Мати, Царице Всемилостивая Дево Богородице Одигитрие! Приими малое сие моление наше и принеси е Сыну Твоему, Матерне умоляя Его благость, да помилует нас грешных и недостойных; и Твоего ради всесильнаго ходатайства, избавит нас мучения вечнаго; сподобит Царствие Небесное получити и тамо со Ангелы воспевати Богу: Аллилуиа.

(Этот кондак читается трижды, затем икос 1 и кондак 1)



Господь всегда с Вами!

Смотрите еще и видео акафист иконе Богородицы Смоленской:

Отчеты о поездках и благотворительности: 

Поездка в школу-интернат для детей с нарушением речевого аппарата 01.10.2017

Молитвы • Очень полезные молитвы на каждый день
Молитва Иоанну Кронштадтскому от избавления и исцеления пьянства
Святой Иоанн Кронштадтский - это православный протоиерей, духовный писатель, проповедник, настоятель Андреевского храма. Святой жил в средине XIX - начале XX века. Еще при жизни он имел славу народного святого. Уже не одно поколение верующих людей молятся ему по самым разнооб... Читайте далее
Интересное в православии • Очень полезные молитвы на каждый день
Очищение (исцеление) колокольным звоном, какие бывают разновидности и виды
Православный колокольный звон – это молитва, запечатлённая в звуке. Красота, которая наделена необычайно великой силой, ибо дарует человеку исцеление, лечит не только тело, но и душу. Эта музыка возрождает в сердце любовь, окутывает спокойствием и создаёт гармонию.Очищ... Читайте далее
Молитвы • Очень полезные молитвы на каждый день
Молитва от сглаза и зависти злых людей
Практически каждый человек на своем жизненном пути может повстречать «небезразличных» людей к чужому счастью и успеху, причем такие завистники, зложелатели и другие плохие люди могут встретиться человеку абсолютно везде. В наше время мало кто из людей способен завидоват... Читайте далее
Молитвы • Очень полезные молитвы на каждый день
Сильная молитва от неприятностей на работе и не только
В жизни каждого человека всегда присутствуют неприятные моменты. Одно дело если неприятность мелкая, и происходит редко – вроде потерянных ключей или сломанного каблука. А другое дело, когда Ваша жизнь – это чреда непрекращающихся неудач. Чтобы неприятности обходили сто... Читайте далее
Иконы
Икона «Святое Семейство» - в чем помогает, как молиться
Каждый верующий человек как в горестные моменты жизни, так и в минуты радости всегда обращается за поддержкой и просьбой покровительства к божьим иконам. Одной из таких икон является  икона «Святого Семейства»,  значение и в чем помогает, мы рассмотрим в этой статье. Этот ... Читайте далее
Иконы
Икона Взыскание Погибших в чем помогает
Чудотворная икона Взыскание Погибших является божественным изображением матерей и отцов, которые молятся за своих детей, то есть святыня представляет собой лик утешительницы скорбей родителей. Также ее еще называют «Избавлением от бед страждущих».Ниже Вы сможете узна... Читайте далее
Иконы
Икона Божией Матери Призри на смирение в чем помогает
Среди икон, что относятся к типу «Путеводительница», очень красивым церковным чудотворным изображением считается икона Божьей Матери «Призри на смирение».  Явился этот образ в далеком 1420 году, но проявил он свои целительные свойства только в ХХ веке. Изображение Богомате... Читайте далее
Иконы
«Песчанская» икона Божией Матери в чем помогает
Территория Руси много веков подряд подвергалась нападениям различных недругов. Все это время земли избавлялись от нашествий, и была видна в том рука Господа, а точнее милость Пресвятой Богородицы. Поэтому именно Русская земля стала источником различных чудотворных икон. ... Читайте далее
Интересное в православии • Это необходимо знать каждому
Иерусалимские свечи как использовать, как правильно зажечь
Обереги и талисманы нужны всем людям. Даже скептики, неверующие люди, приобретают талисманы, вкладывая в них сакральный смысл. Важным атрибутом православных являются свечи, огонь которых символизирует душевное очищение. В духовной практике огонь обладает мощной энергией... Читайте далее
Интересное в православии • Это необходимо знать каждому
Лечение алкоголизма в церквях и монастырях
Есть большое количество пороков человека, которые приносят ему немало горести в данном мире. Среди таких выделяют: курение, употребление алкоголя, наркомания и прочие. Все они пагубны, но считается, что алкоголь приносит наибольшее количество бед. Есть большое количество ... Читайте далее
Традиции православия • Это необходимо знать каждому
Как вести себя в церкви правильно
Сегодня все больше людей решаются на посещение церкви. Конечно это очень хорошо. Ведь увеличение количества прихожан указывает нам ни на что иное как на укрепление православной веры. Но вот только начиная посещать церковь не все люди знают, как вести себя в церкви. В данной... Читайте далее
Интересное в православии • Это необходимо знать каждому
Чем отличаются баптисты от православных
Православие за огромный период своего существования раскололось на достаточно немалое количество различных деноминаций, каждая из которых, как бы ни странно это звучало, называет себя “церковью”. Что же касается конкурентов, по отношению к ним часто применяются самые р... Читайте далее
Традиции православия
Что такое соборование и как оно проводится? Таинство соборования
Мы пребываем внутри периода названого никак иначе как Великий пост, который      содержит в себе свои традиции, особенности и обычаи. В особенности можно выделить такое правило, как таинство соборования, а узнать более подробно о том, что такое соборование в церкви и на до... Читайте далее
Традиции православия
Сухоядение в пост: что это такое? Что значит сухоядение?
Церковный календарь насчитывает большое количество праздников, святок, а также постов. Есть посты разные по значению. Но и в них встречаются также дни, питание во время которых может быть жестко ограничено. Такие дни называются днями сухоядения.Сухоядение: что можно е... Читайте далее
Традиции православия • Это необходимо знать каждому
Что такое всенощное бдение в церкви
Есть большое количество религиозных обрядов и ритуалов. Большинство не особо осведомленных людей могут даже не знать о них. Но каждый из нас хотя бы раз слышал такой термин как всенощная. Что это - всенощное бдение, можно спросить у священнослужителя или прочитать в нашей с... Читайте далее
Традиции православия
Крестины девочки: правила и приметы, обязанности
Крещение является одним из основных таинств в жизни человека. Бывают такие случаи, когда этот обряд происходит не только в младенчестве, но и в более сознательном возрасте. В каком возрасте проводить крещение – это только решение родителей.Принято проводить этот риту... Читайте далее
Обязательно к прочтению:  Молитва Иоанну Воину о обидчиках, о потерянной вещи, об украденном и от врагов

Добавить комментарий

Ваш e-mail не будет опубликован. Обязательные поля помечены *