Преподобный Евфимий Солунский

Молитва Евфимию Новому Солунскому защитит от неблагоприятных ситуаций и исцелит от душевных и физических болезней, святой обладал даром чудотворения. Он провел большую часть жизни в монашеской требовательности, во всем следовал Божьим заповедям, за что его причислили к лику святых. Святой Евфимий – это пример возвышения духа над телом.

4081

Житие преподобного Евфимия Нового Солунского

Евфимий жил в городе Анкиры в семье христиан с именем Никита. С детства был покорным, добрым и честным мальчиком. Когда он достиг возраста семи лет, умер глава семьи. По наставлению матери он пошел на воинскую службу и женился. Когда родилась дочка, ушел тайком из семьи в монастырь.

Больше пятнадцати лет находился на возвышенности Олимп, где обучался отшельничеству. Затем последовал на Афонскую гору. По пути он узнал, что все члены семьи живы и здоровы и призывал следовать за ним. На горе принял обет и жил три года в пещере в одиноком молчании, сражаясь с соблазнами.

Он давал наставления людям и лечил болезни, очистил свой ум так, что мог откровенно разговаривать с Господом и по его велению стал жить на горе Перистера, вблизи от Солуни. Создал две обители, где руководил четырнадцать лет в чине диакона. В одной из них принял в монахини мать и жену. Перед смертью ушел на островок у Афона, где прожил четыре месяца, и умер 15 октября 889 году.

Через два года 13 января после смерти святого монахи Перистеры решили забрать останки. Прибывшие иноки обнаружили нетленное тело Евфимия.

Церковь Евфимия Солунского

История храма Евфимия Солунского началась в 1786 году в Екатеринограде с установления дощечки со словами «благодеяние Великия Государыни Императрицы Екатерины Алексеевны». Строительство начали через четыре года. Территориальная городская единица была ликвидирована, а на месте оставили станицу Екатериноградскую, поэтому стройка прекратилась.

Только через 55 лет году после посещения государя Николая Первого начали строить храм святого Евфимия. Для возведения здания и наличия строительных материалов император распорядился разобрать здание главного командующего и казармы бывшего крепостного вооружения. Поэтому в церкви долго хранился голубой шелковый флаг казачьего полка с надписью «За турецкую войну в 1828-29 годах».

Перед Великой отечественной войной 1941 года церковь была закрыта и приказано разобрать ее стены. Но благодаря живущим там людям здание осталось в нетронутом виде, станичники хранили там зерно. После ремонта в 1991 году строение возвращено верующим.

В Александро-Невской церкви города Тулы находится придел и икона святого Емфимия Солунского. Церковь была построена согласно предсмертному распоряжению купца Евфимия Харитоновича Кучина составленному в 1862 года. Однако в период советской власти утратила свое назначение. В ней была трудовая школа, затем хлебозавод. С 2001 года решается вопрос о реконструкции здания.

Чем помогает святой Евфимий

Православные часто обращают свои молитвенные просьбы к святому лику чудотворца, ведь молитвы и пение акафиста преподобному Евфимию Солунскому помогает:

  • избежать соблазнов;
  • избавиться от неуверенности;
  • укрепиться в вере;
  • найти успокоение в душевных и физических муках.

Тропарь и кондак Евфимия Солунского

Тропа́рь, гла́с 8:

В тебе́, о́тче, изве́стно спасе́ся, е́же по о́бразу: прии́м бо кре́ст, после́довал еси́ Христу́, и де́ющи, учи́л еси́ презира́ти у́бо пло́ть, прехо́дит бо, прилежа́ти же о души́, ве́щи безсме́ртней; те́мже и со Ангелы сра́дуется, преподо́бне Евфи́мие, ду́х тво́й.

Кано́н преподо́бнаго. Гла́с 2.

Пе́снь 1.

Ирмос: Гряди́те лю́дие, пои́м пе́снь Христу́ Бо́гу, разде́льшему мо́ре и наста́вльшему лю́ди, я́же изведе́ из рабо́ты еги́петския, я́ко просла́вися.

Ра́дуйся, исто́чниче, кипя́щий струю́ спаси́тельную, от нея́же почерпа́ем вси́ целе́бную благода́ть прегреше́ний, любо́вию приходя́щим тебе́, приснопа́мятне.

Святы́ню прие́м от Христа́ Бо́га, от утро́бы, сла́вне, и яви́лся еси́ избра́нный сосу́д, Ду́ха благода́ть всю́ прие́мый, о́тче Евфи́мие.

Да жи́зни прича́стник нетле́нныя яви́шися, вре́менныя, о́тче прему́дре, небре́гл еси́: и Бо́гу присту́пль, непреста́нно мо́лиши спасти́ся все́м на́м.

Богородичен: Глаго́лу му́дрому Твои́х усте́н после́дующе, ра́дующеся, Пренепоро́чная, Тя́ ублажа́ем, бы́вшую на́м вину́ неизрече́ннаго блаже́нства.

Пе́снь 3.

Ирмос: На ка́мени мя́ ве́ры утверди́в, разширил еси уста моя на враги моя, возвесели бо ся дух мой, внегда пети: несть свят, якоже Бог наш, и несть праведен, паче Тебе, Господи.

Всесве́тлый показа́лся еси́, богому́дре, сто́лп, наставля́я чи́ны мона́шествующих, о́блак же, осеня́ющь жре́бий Бо́жий, ли́ца неви́димых враго́в помрача́ющь благода́тию Всецаря́.

Стои́ши пред лице́м твоего́ Влады́ки, неосла́бным манове́нием моля́ся изба́витися ста́ду твоему́ от рабо́ты тмы́, преподо́бне, и мучи́тельства страсте́й, и твои́х моли́тв послу́шает Бо́г.

Пло́ти твоея́ двиза́ния умертви́в кре́пким поще́нием, богоглаго́льниче, бы́л еси́ оби́телище Влады́ки. Его́же умоли́ изба́витися скорбе́й и страсте́й смуще́ния к тебе́ прибега́ющим.

Богородичен: Сви́ток Тя́ прови́де Иса́ия, в не́мже пло́тски Сло́во зна́менася, раздра́в начерта́ние первозда́ннаго, е́же преступле́нием подписа́, и подаде́ оставле́ние рабо́ты на́м.

Седа́лен преподо́бнаго, гла́с 8.

Отре́кся пло́ти Христа́ ра́ди и духо́вный яви́вся народоводи́тель, услы́шал еси́ словеса́ та́йных уче́ний; мона́хов же яви́лся еси́ пра́вило пра́вости и стра́сти вся́ кре́пко попра́л еси́. Те́м и де́монов кова́рство до конца́ испепели́л еси́; к Нему́ зря́ всегда́, богоно́се Евфи́мие, моли́ Христа́ Бо́га грехо́в оставле́ние дарова́ти чту́щим любо́вию святу́ю па́мять твою́.

Пе́снь 4.

Ирмос: Пою́ Тя, слу́хом бо, Го́споди, услы́шах и ужасо́хся: до мене́ бо и́деши, мене́ ища́, заблу́ждшаго. Те́м мно́гое Твое́ снизхожде́ние, е́же на мя́, прославля́ю, Многоми́лостиве.

Жела́ние боже́ственное тя́ распали́, разгре́яв твое́ се́рдце, и жела́нная пости́гл еси́ до конца́, богому́дре о́тче, оста́вль земны́х пристра́стие, единосе́льник вы́шних бы́в служи́телей.

Ласка́ния сопру́жницы, преподо́бне, попра́л еси́ всеобра́зно; вни́де бо раче́ние Соде́теля в тя́, богому́дре, те́пле, и соде́янных мра́чная жела́ния до конца́ отри́ну.

На па́жить чи́сту возгна́л еси́ воздержа́ния ста́до твое́, о́тче, и ко исто́чнику приве́л еси́ то́е нему́тному безстра́стия, мы́сленныя зве́ри побежда́я, е́же и ны́не моли́твами твои́ми спаса́й.

Богородичен: Се́ Тебе́ ро́ди сла́вят родо́в, я́коже прорекла́ еси́, Отрокови́це. Созда́теля бо была́ еси́ пала́та и Боже́ственный хра́м, в не́мже всели́ся Высоча́йший, пло́тию обло́жся, да спасе́т на́с.

Пе́снь 5.

Ирмос: Просвеще́ние во тме́ лежа́щих, спасе́ние отча́янных, Христе́ Спа́се мо́й, к Тебе́ у́тренюю, Царю́ ми́ра, просвети́ мя сия́нием Твои́м, ино́го бо ра́зве Тебе́ Бо́га не зна́ю.

Ве́сь Бо́гу прилежа́, о́тче, в пусты́нях мра́з нощны́й претерпе́л еси́ до́блественне, и дневны́й нося́ ва́р; и бы́л еси́ до́м му́дрости Бо́жия доброде́тельным сия́нием многообра́зно украша́емь.

Юношески наступи́в на поще́ние, чревонеи́стовства зми́я не прие́мь сове́тника, о́тче, но а́лчбою, и моли́твами непреста́нными, и чистото́ю соедини́вся Бо́гу, прича́стник бы́л еси́ сла́дости лу́чшия.

Доброде́телей возше́д на о́блаки, скрижа́ли прия́л еси́, блаже́нне, напи́санныя руко́ю Бо́жиею, и мона́шествующих мно́жества научи́л еси́ веще́ственных все́х оша́ятися, возводя́ на го́ру Боже́ственнаго позна́ния.

Богородичен: Яви́лася еси́, Чи́стая, богопра́отцу ле́ствица небесе́ высоча́е, иму́щи Созда́теля седя́ща. Из Тебе́ бо Бо́г, вопло́щся, показа́ся и совокупи́ разстоя́щаяся пре́жде. Те́м Тя́ Богоро́дицу ве́рнии сла́вим.

Пе́снь 6.

Ирмос: Ко Го́споду от ки́та Ио́на возопи́: Ты́ мя возведи́ из глубины́ а́да, молю́ся, да я́ко Изба́вителю, во гла́се хвале́ния, и́стины же ду́хом пожру́ Тебе́.

Пострека́емь Влады́чнею любо́вию, оста́вил еси́ вся́ чу́вственная и Тому́ после́довал еси́, на ра́нена и́го ле́гкое взе́м му́жески благоду́шия, тезоимени́те.

Нака́зан неизрече́нных зна́нию, блаже́нне, научи́л еси́ твое́ ста́до небе́сная му́дрствовати и страсте́й наше́ствия отгоня́ твои́ми поуче́ньми.

Житие́ твое́ подо́бно вы́шних си́л, о́тче, бы́сть, дерзнове́ние тебе́ даде́, е́же держа́л еси́ всегда́, страсте́й изба́вити твое́ ста́до Христа́ умоли́.

Богородичен: Разуме́в Твое́ неизрече́нное, Чи́стая, та́инство, го́ру приосене́нную Авваку́м Тя́ провозвести́; из Тебе́ бо Соде́тель за милосе́рдие вопло́щся, дре́внее отъя́т изрече́ние.

Конда́к, гла́с 2.

Волне́ний мно́жества невла́жно преходя́, безпло́тныя враги́ струя́ми сле́з твои́х кре́пко погрузи́л еси́, богому́дре Евфи́мие преподо́бне, и чуде́с да́р прие́м, исцеля́еши стра́сти вся́кия, моли́ непреста́нно о все́х на́с.

Икос:

Отве́рзи моя́ уста́, треблаже́нне, благоприя́тными твои́ми моли́твами предстоя́ Бо́гу, всесла́вне Евфи́мие, да воспою́ боже́ственное твое́ житие́ и возглаго́лю досто́йно доброде́тели твоя́, я́же на земли́ Христа́ ра́ди Бо́га соверши́л еси́ преподо́бно. Сто́лп бо яви́лся еси́ и пра́вило мона́хов светле́йшее, равноа́нгельное стяжа́в житие́, в нехо́дная и́стинно всели́вся, моли́ непреста́нно о все́х на́с.

Пе́снь 7.

Ирмос: Купина́ в горе́ огненеопа́льная и росоно́сная пе́щь халде́йская, я́ве предписа́ Тя, Богоневе́сто, Боже́ственный бо невеще́ственный в веще́ственнем чре́ве, Огнь неопа́льно прия́ла еси́. Те́мже из Тебе́ Ро́ждшемуся пое́м: благослове́н еси́, Бо́же оте́ц на́ших.

Авраа́мский стяжа́в нра́в, прему́дре, от земли́ твоея́ пресе́льник бы́в, и Бо́га узре́л еси́, обещава́юща ти́ воздая́ние бога́тно. Те́м, веселя́ся, усе́рдно пе́л еси́: благослове́н еси́, Бо́же оте́ц на́ших.

Распаля́емь ду́хом, преподо́бне, ко́зни вра́жия разори́л еси́ и побе́ды одоле́ния взя́л еси́, ору́жием огражде́н на́с ра́ди пригвозди́вшагося на Кресте́ Влады́ки. Те́м, веселя́ся, усе́рдно пе́л еси́: благослове́н еси́, Бо́же оте́ц на́ших.

К горе́ моли́твы приступи́л еси́, и вше́д во о́блак Ду́ха, Бо́жия за́дняя ви́дел еси́, и сла́ву прие́м разсужде́ния, бы́в, о́тче, сто́лп непоколеби́мь. Те́м приле́жно моли́ изба́витися искуше́ния вра́жия пою́щим тя́.

Богородичен: Зако́на Испо́лнителя родила́ еси́, пре́жде ве́к Го́спода вся́ческих, Сы́на, Му́дрость же и Си́лу, напосле́док, Пречи́стая, преесте́ственно пло́тию на обновле́ние земны́м. Те́м благоче́стно, Де́во Чи́стая, благослове́н, из Тебе́ Ро́ждшемуся зове́м, Бо́же оте́ц на́ших.

Пе́снь 8.

Ирмос: В пе́щь о́гненную ко отроко́м евре́йским снизше́дшаго, и пла́мень в ро́су прело́жшаго Бо́га, по́йте, дела́, я́ко Го́спода, и превозноси́те во вся́ ве́ки.

Сле́з твои́х тече́ньми огнепа́льныя сла́сти испепели́л еси́, гее́нскаго пла́мене стра́х отгна́л еси́, о́тче му́дре, соверше́нною любо́вию Созда́теля твоего́ сраствори́вся стра́хом, во вся́ ве́ки.

Якоже Ено́х к Бо́гу преста́влься, от Него́ прия́т бы́л еси́, о́тче, и с вы́шними ли́ки водворя́яся, пое́ши: вся́ дела́ Го́спода по́йте и превозноси́те во вся́ ве́ки.

Ны́не нетле́нных даро́в наслажда́яся и трисо́лнечныя све́тлости исполня́яся, блаже́нне, певцы́ твоя́ страсте́й и тмы́ моли́твами изба́ви, да досто́йно Христа́ славосло́вим.

Богородичен: Кля́тву разреши́ла еси́ дре́внюю, Пречи́стая, земны́х, неизрече́нным сло́вом Бо́га заче́нши, воплоще́нна из Тебе́ за милосе́рдие, Пренепоро́чная Влады́чице, Его́же превозно́сим во ве́ки.

Пе́снь 9.

Ирмос: От Бо́га Бо́га Сло́ва, неизрече́нною му́дростию прише́дшаго обнови́ти Ада́ма, я́дию в тле́ние па́дшаго лю́те, от Святы́я Де́вы неизрече́нно воплоти́вшагося на́с ра́ди, ве́рнии, единому́дренно пе́сньми велича́ем.

Просвеще́н добро́тою по́стничества, о́тче, и оде́ян ри́зою нетле́ния, Евфи́мие, и увязе́н венце́м даро́в па́че ума́, Влады́це все́х предстои́ши, ра́дуяся.

В пребыва́лища присноживу́щая всели́лся еси́, блаже́нне, иде́же апо́стол собо́р и мно́жество му́ченик, преподо́бных собра́ние, проро́ков ли́цы, боле́зней воздая́ния от Бо́га прие́мь досто́йно, богому́дре достосла́вне.

Всесве́тел, богоглаго́льниче, бы́л еси́, заря́ми Све́та Трисо́лнечнаго све́тло озаря́емь, испроси́ прегреше́ний разреше́ние, лю́тых избавле́ние и злы́х отчужде́ние все́м, любо́вию к тебе́ притека́ющим.

Богородичен: Воплоти́вся неизрече́нно Влады́ка все́х из Тебе́, Богороди́тельнице Мари́е, соверше́н бы́сть Челове́к, и роди́вся, я́коже пре́жде рождества́ Де́ву сохрани́ Тя чи́сту, Его́же моли́ спасти́ от бе́д ду́ши на́ша.

Свети́лен.

Мирска́го пристра́стия я́ко тру́дна избе́гл еси́ и неяде́нием пло́ть увяди́л еси́, обнови́в же душе́вную кре́пость, преподо́бне, и сла́вою обогати́лся еси́ небе́сною, приснопа́мятне. Те́м моля́ся не преста́й о на́с ко Го́споду.

Сла́ва, и ны́не, Богородичен:

Ужа́сно Твое́ предста́тельство, Мари́е Богоукра́шенная, и стра́шная Твоя́ сла́ва все́й земли́, Богоро́дице; в Тебе́ бо ны́не хва́лимся и Тя́ Хода́таицу иму́ще к Сы́ну и Созда́телю Твоему́, неусы́пною Твое́ю моли́твою да спасе́мся вси́.

Стихира, гла́с 2:

Преподо́бне о́тче, из младе́нства доброде́тель приле́жно испра́вив, орга́н бы́л еси́ Свята́го Ду́ха, и от Того́ прие́м чуде́с де́йство, увеща́л еси́ челове́ки преоби́дети сла́дкая; ны́не же Боже́ственным све́том чисте́е облиста́емь, просвети́ и на́ша помышле́ния, о́тче Евфи́мие.

Храни Вас Господь!

Вам будет интересно посмотреть еще и видео рассказ о святом Евфимие: