Акафист Животворящему Кресту Господню — хвалебное песнопение в честь Креста, на котором был распят Господь Иисус Христос. Его читают как развёрнутую молитву Животворящему Кресту: о защите от зла, укреплении в вере, терпении в скорбях и помощи в болезнях. Ниже — полный текст акафиста, краткие молитвы Кресту и пояснения, когда и как его читать.
Почему Крест называют Животворящим
Крест был орудием позорной казни, но после Распятия и Воскресения Христова он стал знаком победы над смертью и грехом. Через крестную смерть Спасителя людям даровано спасение и вечная жизнь — поэтому Крест называют Животворящим, то есть дающим жизнь.
По церковному преданию, в IV веке, при императоре Константине Великом, его мать — святая равноапостольная царица Елена — обрела Крест Господень в Иерусалиме. В память об этом Церковь празднует Воздвижение Креста Господня 27 сентября. Кресту поклоняются также в Крестопоклонную неделю Великого поста и 14 августа — в праздник Происхождения честных древ Животворящего Креста Господня. Подробнее — в статье «Происхождение честных древ Животворящего Креста Господня».
Акафист Животворящему Кресту Господню: текст
Акафист состоит из 13 кондаков и 12 икосов. Кондаки завершаются пением «Аллилуия», икосы — припевом «Радуйся, честное Древо…».
Кондак 1
Избра́нному Царем Славы, и освященному кре́стною смертию Искупителя мира, / чудодейственную силу и́мущему древу, / составим вернии похвалу и радостно возопиим: // Радуйся, честно́е Древо, на нем бо совершися та́инство всемирного искупления.
Икос 1
Ангельския силы, яко Божии служителие о́крест Креста Господня невидимо предстояще, ужаса́шася, и поно́сную на земли́ смерть Иисусову на небеси воспеваша; мы же недостойнии, зна́мением честна́го Креста Господня освящаяся, радостно взываем:
Радуйся, честно́е Древо, кровию Богочеловека освященное;
Радуйся, честно́е Древо, прославльшееся послушанием Христовым.
Радуйся, честно́е Древо, свободившее нас от ада.
Радуйся, честное Древо, низложение диавола.
Радуйся, честно́е Древо, возглашение силы Иисусовой.
Радуйся, честно́е Древо, на нем бо совершися та́инство всемирнаго искупления.
Кондак 2
Ви́дящи Тя на Кресте ви́сяща, вся силы небесныя лица закрывающе, воспева́ша Твое величие, Жизнодавче Христе; мы же на земли́ со страхом и трепетом пред святым Твоим Крестом предстояще, воспеваем радостно песнь: Аллилуия.
Икос 2
Разум прежде недоразумева́емый, зна́мением Честна́го и Животворящего Креста Господня дивно просвещающийся, со страхом и любовию покланяется святому Древу и непрестанно воспевает сице:
Радуйся, честны́й Кресте Христов, из мертвых воскрешающий.
Радуйся, честны́й Кресте Христов, проявляющий истину,
Радуйся, честны́й Кресте Христов, на нем бо Иисус волею распяся и гвозьдми́ бысть пригвожден.
Радуйся, честны́й Кресте Христов, на нем бо святая жертва принесеся.
Радуйся, честны́й Кресте Христов, Древо всесильное.
Радуйся, честно́е Древо, на нем бо совершися та́инство всемирного искупления.
Кондак 3
Силою Честна́го и Животворящего Креста Господня бесы низлагаются, очищается нечи́стое житие наше, греховныя по́мыслы отгоняются, сердце озаряется чистотою; сего ради с верою творя Кре́стное зна́мение и с благоговением взирая на изображение страданий Христовых, поем Богу: Аллилуия.
Икос 3
Имея всегда пред очи́ма на́шима Крест святый, осеняющий святыя храмы Христианския, охраняющий святыню Господню, со слезами благодарения воспеваем сице:
Радуйся, честно́е Древо, источниче благ вечных.
Радуйся, честно́е Древо, освяще́нное плотию и кровию Богочеловека.
Радуйся, честно́е Древо, Древо чудодейственное.
Радуйся, честно́е Древо, Древо треблаженное.
Радуйся, честно́е Древо, Древо жизни и спасения.
Радуйся, честно́е Древо, на нем бо совершися та́инство всемирнаго искупления.
Кондак 4
Бурю страстей лю́тых си́лен угасити Святый и Всечестный Крест Христов, той бо меч духовный, щит верных, оружие всесильное и зна́мение всепобежда́ющее; сего ради и мы недостойнии в весе́лии взываем к Богу: Аллилуия.
Икос 4
Слыша учение Христово, веруем в тайну спасительнаго искупления, покланяемся страстем Христовым, лобызаем Крест всесильный и радостно взываем сице:
Радуйся, честны́й Кресте Христов, угасивший ярости пламя.
Радуйся, честны́й Кресте Христов, поразивший богоотступников.
Радуйся, честны́й Кресте Христов, победивший полчища вражия.
Радуйся, честны́й Кресте Христов, отсекший главу зми́еву.
Радуйся, честны́й Кресте Христов, торжество веры и надежды христиан.
Радуйся, честно́е Древо, на нем бо совершися та́инство всемирнаго искупления.
Кондак 5
Богото́чный источник исцелений бысть нам Крест Чудодейственный, на нем бо Христос волею пострада́ нашего ради спасения, и Божественнии длани своя распростерши, любовию Отчею с Голгофы объя всю вселенную, сего ради вопием Ему, Богу нашему песнь: Аллилуия.
Икос 5
Видевши вси языцы величие славы Креста Господня и чудодейственную силу и изображения и зна́мения Его, увероваша во Святую Живоначальную и Нераздельную Троицу, и поклонишася Кресту всечестно́му, ра́достно взывая:
Радуйся, честно́е Древо, силою своею на добро нас вразумляющее.
Радуйся, честно́е Древо, силою своею нас от болезней исцеляющее.
Радуйся, честное Древо, славою своею вся вражия силы в бегство обращающее.
Радуйся, честно́е Древо, славою своею венценосных царей прославляющее.
Радуйся, честно́е Древо, величием своим их царство возвышающее.
Радуйся, честно́е Древо, на нем бо совершися та́инство всемирнаго искупления.
Кондак 6
Проповедником Богоносным явися честное древо, из него бо бе сооружен Крест Христов, трисоста́вный, его бо земля чудодейственно израсти́ нетленным и зело благоухающим, на нем бо Христос волею заклан бысть: Ему бо, Спасителю мира, приносим песнь: Аллилуия.
Икос 6
Возсиял еси яко солнце правды, Всечестный Крест Христов, в недрах земли сокрове́нный, безду́шными камня́ми яко сокровище сберега́емый, и на радость всему миру обрете́нный, Ему бо велегласно вопием:
Радуйся, честны́й Кресте Христов, молитвами и усердием благочести́выя царицы Елены на́йденный.
Радуйся, честны́й Кресте Христов, на высоту Патриархом Макарием воздви́гнутый для поклонения всем языком.
Радуйся, честны́й Кресте Христов, посрамивший идолопоклонство и неверие.
Радуйся, честны́й Кресте Христов, призвавший хулителей к покаянию.
Радуйся, честный Кресте Христов, яко ты еси древо чудодейственное и Христоносное.
Радуйся, честно́е Древо, на нем бо совершися та́инство всемирнаго искупления.
Кондак 7
Хотяй прояви́ти милосердие свое Спаситель мира к роду человеческому, волею приемлет поноше́ние, присуждается к позорной смерти, ко Кресту пригвождается и Кре́стною смертию смерть попирает, тем бо и мы поем Ему: Аллилуия.
Икос 7
Дивное зрелище является ми́рови: Богочеловек распинается, руце и нозе пригвождаются, ре́бра Его пробода́ются, страданиями Его и уничижением очищаются раны греховныя человечества. Крест Христов победоносным знамением Славы Божия является, сего ради взываем сице:
Радуйся, честно́е Древо, смирения образе.
Радуйся, честно́е Древо, апостолов похвало.
Радуйся, честно́е Древо, преподобных утверждение.
Радуйся, честно́е Древо, мучеников крепосте.
Радуйся, честно́е Древо, пустынножителей ограждение.
Радуйся, честно́е Древо, на нем бо совершися та́инство всемирнаго искупления.
Кондак 8
Странное чудо Позорный Крест преврати́ся в древо жизни и спасения, той бо вразумляет, освяща́ет, и от болезней душевных и телесных исцеляет с верою и любовию непреста́нно вопиющих Богу: Аллилуия.
Икос 8
Все греховное житие наше очищается чудодейственным Крестом Спасителя мира, послужившим к примирению преступнаго человечества с Божеством, сего ради благодарственно вопием:
Радуйся, честны́й Кресте Христов, являющий нам любовь и долготерпе́ние Божие.
Радуйся, честны́й Кресте Христов, им бо совершися призвание языков.
Радуйся, честны́й Кресте Христов, явление благости благоуповающим.
Радуйся, честны́й Кресте Христов, глубино упования душ, любящих Господа.
Радуйся, честны́й Кресте Христов, сило и радосте всех христиан.
Радуйся, честно́е Древо, на нем бо совершися та́инство всемирнаго искупления.
Кондак 9
Всякая житейская буря сокрушается силою Крестных страданий Богочеловека Иисуса, искупивших весь мир, тем бо и мы чествуя Всечестнаго Креста Господня Святое зна́мение, смиренно приносим Богу любви и славы радостну песнь: Аллилуия.
Икос 9
Витийствующий не может язык изрещи́ достойныя похвалы́ древу всечестному, из него бо соста́влен бысть чудодейственный Крест Христов, благоухающий любовию Страдальца Иисуса Христа, сего ради и мы недоуме́я достойно восхвали́ти Тя, со слезами вопие́м:
Радуйся, честно́е Древо, торжество церкви Христовой.
Радуйся, честно́е Древо, вра́чевство наше и радость.
Радуйся, честно́е Древо, освящение всех путей жизни нашея.
Радуйся, честно́е Древо, всем христианам вспоможе́ние.
Радуйся, честно́е Древо, всех не́мощных сило и подкрепле́ние.
Радуйся, честно́е Древо, на нем бо совершися та́инство всемирнаго искупления.
Кондак 10
Спасти хотя мир, длани своя пречистыя Христос на древо вознесе́ и древо преслушания бысть древо сыно́вняго к Богу Отцу послушания: рука, невоздержа́ние Адамово низвергшая, распростертыма рукама Богочеловека соединяет своею любовию вси концы мира; тем бо и мы торжественно взываем победную песнь: Аллилуия.
Икос 10
Стена еси, ограждающая от всех бед и напастей, Кресте Всечестный, Цельбоносный источниче всех языков, осеняющихся святым Твоим зна́мением во Имя Отца, и Сына, и Святаго Духа, сего ради с веселием взываем:
Радуйся, честны́й Кресте Христов, Кровию Богочеловека обагре́нный.
Радуйся, честны́й Кресте Христов, цветами райскими благоухающий.
Радуйся, честны́й Кресте Христов, лучами веры нас озаряющий.
Радуйся, честны́й Кресте Христов, лучами надежды нас подкрепляющий.
Радуйся, честный Кресте Христов, лучами любви нас обогащающий.
Радуйся, честно́е Древо, на нем бо совершися та́инство всемирнаго искупления.
Кондак 11
Пение похвальное приносим Ти, Божественное животворящее Древо Креста Господня, верных осеняющее, неверных обличающее, и всех нас ограждающее от всякого врага и супостата; сего ради вопие́м песнь: Аллилуия.
Икос 11
Поюще твоя чудеса, Всесильный Кресте Христов, с верою и благодарением преклоняем колена сердца нашего, со слезами лобызаем святеи нозе Страдальца Иисуса, покланяемся страстем Христовым, и тако вопием:
Радуйся, честно́е Древо, скиптре царей христианских неприложный.
Радуйся, честно́е Древо, державо всея вселе́нныя.
Радуйся, честно́е Древо, основание благочестия.
Радуйся, честно́е Древо, водам освещение.
Радуйся, честно́е Древо, полям и садам плодоно́сие.
Радуйся, честно́е Древо, на нем бо совершися та́инство всемирнаго искупления.
Кондак 12
Благодать Твою Всесильную, Господи, являет нам Древо Треблаженное, осеняет ум наш, вразумляет и научает пети непрестанно песнь победную: Аллилуия.
Икос 12
На го́ру Голгофскую водружен бысть Крест честны́й, и Ты Создатель мира вознесе́н бысть на нем яко в позор мирови; мы же вернии лобызаем пречистыя язвы Твоя, покланяемся честно́му Кресту Твоему, сице взывая:
Радуйся, честны́й Кресте Христов, предназначенный Богом для таинства искупления.
Радуйся, честны́й Кресте Христов, яко Ты еси радостное зна́мение нашего спасения.
Радуйся, честны́й Кресте Христов, знамение нашего освобождения.
Радуйся, честны́й Кресте Христов, страстей наших умерщвление.
Радуйся, честны́й Кресте Христов, совести нашея успокоение.
Радуйся, честно́е Древо, на нем бо совершися та́инство всемирнаго искупления.
Кондак 13
О Пречестное, Божественное и Животворящее Древо Креста Господня чудодейственною Твоею силою огради мя, грешнаго, осеняющего с верою чело мое и перси моя и вся составы и уды моя святым Твоим зна́мением, во имя Отца, и Сына, и Святаго Духа, во Славу Святыя Троицы, во Единице прославляемей и благодарственно воспевающего песнь победную: Аллилуия. Аллилуя. Аллилуя.
Этот кондак читается трижды, затем икос 1 и кондак 1.
Молитва Честному и Животворящему Кресту
Эта молитва из вечерних молитв, её читают перед сном и в минуты страха, осеняя себя крестным знамением:
Да воскреснет Бог, и расточатся врази Его, и да бежат от лица Его ненавидящии Его. Яко исчезает дым, да исчезнут; яко тает воск от лица огня, тако да погибнут беси от лица любящих Бога и знаменующихся крестным знамением, и в веселии глаголющих: радуйся, Пречестный и Животворящий Кресте Господень, прогоняяй бесы силою на тебе пропятаго Господа нашего Иисуса Христа, во ад сшедшаго и поправшаго силу диаволю, и даровавшаго нам тебе Крест Свой Честный на прогнание всякаго супостата. О, Пречестный и Животворящий Кресте Господень! Помогай ми со Святою Госпожею Девою Богородицею и со всеми святыми во веки. Аминь.
Другие молитвы и их толкование — в статье «Молитва Животворящему Кресту Господню».
Тропарь Кресту Господню
Спаси, Господи, люди Твоя и благослови достояние Твое, победы православным христианом на сопротивныя даруя и Твое сохраняя Крестом Твоим жительство.
О чём молятся Животворящему Кресту
- о защите от зла, искушений и нападений бесовских;
- об укреплении веры и терпении в скорбях — «нести свой крест»;
- об исцелении от болезней души и тела (молитва не заменяет лечения);
- о покаянии и прощении грехов;
- о мире в доме и защите близких.
Когда и как читать акафист Кресту
- В праздники Креста — на Воздвижение (27 сентября), 14 августа и в Крестопоклонную неделю Великого поста.
- По пятницам — в этот день Церковь вспоминает крестные страдания Спасителя.
- В трудные периоды жизни — акафист можно читать ежедневно, например 40 дней.
- Читают перед Распятием или иконой Креста, стоя, после обычных молитв. Кондак 13 читается трижды, затем повторяют икос 1 и кондак 1.
- Мирянам, читающим акафист дома, благословение священника не требуется, но если хотите взять на себя постоянное правило, посоветуйтесь с духовником.
Сила Креста — не в предмете самом по себе, а в Господе, распятом на нём. Поэтому нательный крестик или Распятие в доме — не амулет, а знак веры и напоминание о Христе.
Частые вопросы
Чем акафист отличается от молитвы Животворящему Кресту?
Молитва «Да воскреснет Бог» — короткая, её читают каждый вечер. Акафист — развёрнутое хвалебное песнопение, его читают по праздникам или в особых нуждах.
Можно ли читать акафист Кресту дома?
Да. Акафисты — домашнее молитвенное чтение, их можно читать самостоятельно. Если хотите читать акафист постоянно, особенно во время постов, посоветуйтесь с духовником о своём молитвенном правиле.
Сколько дней читать акафист?
Строгого правила нет. Часто его читают один раз по особому случаю или курсом — 40 дней.
Что означает «Радуйся, честное Древо»?
Это припев икосов: Церковь называет Крест «честным», то есть достойным почитания, «Древом» — потому что он был деревянным, и прославляет его как знамение нашего спасения.
Читайте также: молитва Животворящему Кресту Господню, праздник Воздвижения Креста Господня, акафист Семистрельной Божьей Матери.