Макарий Римлянин, Новгородский чудотворец

«Спаси, Господи!». Спасибо, что посетили наш сайт, перед тем как начать изучать информацию, просим подписаться наше сообщество в инстаграме  Господи, Спаси и Сохрани †. Нас, единомышленников, больше 10 000 и мы быстро растем, выкладываем молитвы, высказывание святых, молитвенные просьбы... Подписывайтесь, мы Вас ждем. Ангела Хранителя Вам!

Интерес к его персоне был как в 15 веке, так и в наше время. Самым специфическим во всей этой истории есть то, что он родился в Риме, но большую часть жизни провел на территории Руси. Своим желанием уединения, страстными молитвами и верой в Господа, был одарен возможностью видеть будущее и творить чудеса. Именно за такие заслуги его называют Макарием Римлянином Новгородским Чудотворцем. Обитель, которую он основал, до сих пор пользуется популярностью.

4148

Житие святого

Есть некоторые особенности, которые делают его жизненный путь неповторимым. Рожден он был в 15 веке в Риме в семье знатных и богатых граждан. В детстве он получил прекрасное образование. Родители старались привить ему любовь к религии. Постоянным занятием было изучение священных текстов. Настроение в те времена в Римской империи было несколько накаленным. Именно поэтому он принял решение отправится на Восток.

Перед тем, как покинуть свою Родину, он раздал все свое имущество нуждающимся. Так и произошел один из самых важных поворотов в его житие. Он добирался длительное время. Путь был не легок. Остановился в Свирском монастыре. В данной обители он принял постриг и решился навсегда закрыться в келии.

После благословения святого Александра он построил деревянное сооружение на небольшом островке. Там он длительное время проводил в молитвах, питался только натуральной растительной пищей и старался вести богоугодный образ жизни. Место его нахождения было благословлено Господом. Это проявлялось в виде огненного столпа или благоухания.

Предчувствуя свою кончину, он передал свои дела одному из учеников и отправился удалился. Умер он тихо 15 августа во второй половине 16 века. Мощи преподобного Макария были погребены возле стен Успенской церкви, которую он сам и построил.

Полезные статьи:
Молитва Архангелу Михаилу – очень сильная защита
Всякий раз мы встречаем на своем пути самых разных людей: соседей, родных, друзей, коллег. И не всегда такие встречи могут оказаться приятными, ведь в жизни всегда есть ссоры, обиды и обман. Часто друзья стают злейшими врагами, желая один другому неприятностей, болезней. Быва... Читайте далее
Молитва Ксении Петербургской о замужестве, о любви, о благополучии, о здоровье и др.
Толпы паломников стекаются к могилке Блаженной, к тесной маленькой часовне. Верующие и сами прикладываются к ее гробнице, и прикладывают иконки с изображением ее святого лика. Просят люди о здоровье своем и близких своих, о покровительстве в делах мирских, о даровании дете... Читайте далее
Молитва Николаю Чудотворцу изменяющая судьбу за 40 дней
Не многие из нас могут поверить в действие молитвенного обращения к Господу Богу и Его святым угодникам. Но когда нас настигает тяжелая проблема, мы спешим попросить Высшие Силы о помощи. Кто–то бежит к гадалкам и экстрасенсам, а кто-то старается быть ближе к Всевышнему, и ... Читайте далее
Молитва от сглаза и зависти злых людей
Практически каждый человек на своем жизненном пути может повстречать «небезразличных» людей к чужому счастью и успеху, причем такие завистники, зложелатели и другие плохие люди могут встретиться человеку абсолютно везде. В наше время мало кто из людей способен завидоват... Читайте далее
Мира Вам! Благодарим, что дочитали до этого места. Хотим Вам рассказать, что у нас есть благотворительный кошелек, собираем денежные средства на нужды болящих и детей с домов интернатов. Являемся кураторами школы интерната для детей с недостатком речи. Уже помогли/помогаем разным людям и они очень благодарны за помощь. Если есть возможность внести вклад( хотя бы 100-200 рублей) будем благодарны! Ангела Хранителя Вам!

В чем помогает святой Макарий

Многие люди направляются к нему со своими прошениями. Большая часть направлена для того, чтобы решить какие-то неприятные жизненные ситуации. Но есть мнение о том, что каждый лик имеет определенное действие, о котором и стоит просить.

Чаще всего его просят о:

  • исцелении от различных недугов;
  • даровании разумения и определении правильного решения;
  • принятия страданий и мужественного их преодоления и прочее.

Стоит помнить, что прошения стоит произносить от чистого сердца, а также от самого сердца. Обращение можно произнести своими словами или выучить уже готовый текст. Считается, что большей силой наделены те, которые произносятся в день памяти. Их есть два:

  • 1 февраля;
  • 17 июня.

Места поклонения

Многие верующие стараются прочесть слова своего прошения у лика святого или над его останками. Найти его изображение можно не во всех храмах. Но не стоит расстраиваться. В основном в каждой свечной лавке есть небольшие иконы преподобного Макария. Приобретя ее Вы будете всегда иметь возможность к нему обратится.

Относительно захоронения, то некоторые исторические события внесли коррективы в их местоположение. В 1761 году произошла перестройка храма, возле которой они покоились и над могилой был построен придел в его честь. Но по последним данным мощи были перенесены в собор иконы Божьей Матери «Неопалимая купина» в Сосновом бору. Туда Вы можете отправится для молитвы.

А еще сильным считают акафист святому Макарию, который читают так:

Кондак 1

Избранный и дивный подражателю пророков Илии и Крестителя, пустынным житием им поревновавый и совершенно Богу угодивый, преподобне отче Макарие. Песньми восхваляем тя с любовию, святаго заступника нашего. Ты же, яко имеяй дерзновение ко Господу, молися непрестанно о спасении нас грешных, и от всяких бед свобождай зовущих ти: Радуйся, Макарие, великий пустынножителю.

Икос 1

Ангелом любезную чистоту юности твоея возлюбив, преподобне отче Макарие, Ветхий Рим отечество твое оставил еси, и во страну Российскую яко нищ и странен пришел еси, да зде обрящеши пристанище благоприятное ко спасению. Темже славим тя, яко истиннаго последователя Христова, и зовем ти хвалебно: Радуйся, Рима доброе прозябение. Радуйся, Новаграда духовное украшение. Радуйся, Евангелиа Христова верный послушателю. Радуйся, заповедей Иисусовых ревностный исполнителю. Радуйся, Единаго Христа от всея души твоея возлюбивый. Радуйся, стезею правою вослед Его ходивый. Радуйся, постом умертвивый в себе душетленныя страсти. Радуйся, молитвами усердными отразивый вся искушения диавольская. Радуйся, возшедый на высоту совершенства духовнаго. Радуйся, приникий во глубину смирения святаго. Радуйся, слез твоих теченьми уплодоносивый пустыню неплодную. Радуйся, из глубины воздыханьми привлекий на ню Божию благодать. Радуйся, Макарие, великий пустынножителю.

Кондак 2

Видев Всевидец Господь благое души твоея изволение, отче Макарие, еже служити и благоугождати Ему в безмолвии пустыннем, указа тебе пустыню блатную и непроходимую в пределех Великаго Новаграда, да вселишися тамо, един Единому Богу работати в пениих, бдениих и пощениих. Ты же пустыню, от Бога тебе указанную, обрет, вселился еси в ней, яко в раи сладости зовый: Аллилуиа.

Икос 2

Разумев место, от Бога тебе указанное к совершению тамо подвигов пустынных, и возлюбив е, отче Макарие, со слезами теплыми Богу молился еси, да сподобит тя скончати на нем житие твое земное, и псаломски взывал еси: «Се покой мой, зде вселюся во век». Мы же воспоминающе таковое твое благое изволение, вопием ти сице: Радуйся, безмолвия любителю, пустыню подвиги твоими освятивый. Радуйся, жестокое пустынное житие проходивый. Радуйся, псалмопении немолчными Бога славивый. Радуйся, молитвы непрестанныя Господеви возносивый. Радуйся, постниче не изнемогаяй, былием пустынным питавыйся. Радуйся, трудолюбче нелицемерный, праздность возненавидевый. Радуйся, худыя и многошвенныя ризы носивый. Радуйся, вериги железныя Христа ради на ся возложивый. Радуйся, коленопреклонения многая совершавый. Радуйся, в терпении и смирении преуспеявый. Радуйся, слезами молитвенными орошенный. Радуйся, равноангелен на земли бывый. Радуйся, Макарие, великий пустынножителю.

Кондак 3

Силою Божиею укрепляемь, Макарие преподобне, великия подвиги и труды пустынныя благодушно проходил еси, и вся страхования и искушения диавольская молитвою усердною отразил еси, знамением креста Христова враги невидимыя прогоняя и побеждая, во еже не можащи им приближитися к тебе, егда пел еси Богу хвалебную песнь: Аллилуиа.

Икос 3

Имея помысл чист и непорочну душу, отче Макарие, в пустыннем безмолвии видений небесных сподобился еси, и ангелов собеседник был еси, иже утешении благодатными услаждаху тебе скорби пустыннаго пребывания. Сего ради слышиши от нас благохваления таковая: Радуйся, рабе Господень благий и верный. Радуйся, молитвенниче благоприятный и многослезный. Радуйся, ангельскаго посещения удостоенный. Радуйся, на земли небесная созерцавый. Радуйся, учителю благочестия. Радуйся, наставниче богомудрия. Радуйся, древо благосеннолиственное, в пустыни возрастшее. Радуйся, плоды сладкия Христу принесый. Радуйся, пустыню уплодоносивый. Радуйся, пустынное озлобление мужески терпевый. Радуйся, путем тесным шествовавый. Радуйся, пространство Царствия Божия обретый. Радуйся, Макарие, великий пустынножителю.

Кондак 4

Бурю многомятежную житейскаго моря безбедно прешел еси, преподобне отче Макарие, и во пристанище безстрастия достигл еси, направляемь заповедьми Христа Бога, яже быша светильник ногама твоима и свет стезям твоим. Темже на земли достойно и праведно воспевал еси Триединому Богу: Аллилуиа.

Икос 4

Слышавше глаголы твоя богодухновенныя, ловцы зверей дивиих, обретшии кущу твою в пустыни, отче Макарие, ангела паче, неже человека, мняху тя быти, и радовахуся зело, сподобльшеся твое благословение и молитвы получити. Ты же хлеб твой сухий с ними разделил еси, и путь им правый указав, слышал еси от них благодарственныя глаголы сицевыя: Радуйся, правило веры истинныя. Радуйся, образе кротости духовныя. Радуйся, человече Божий, преподобием украшенный. Радуйся, воине Христов, враги невидимыя победивый. Радуйся, мира дольняго мудрый странниче. Радуйся, пустыннолюбивый Господень избранниче. Радуйся, великих пустынножителей верный подражателю. Радуйся, древних богоносных отец ревностный последователю. Радуйся, пустыню непроходимую в жилище себе избравый. Радуйся, дебрь блатную славословии Божиими огласивый. Радуйся, богопросвещенный подвижниче. Радуйся, ангелонравный человече. Радуйся, Макарие, великий пустынножителю.

Кондак 5

Боготечное светило быв, отче Макарие, к солнцу правды Христу приводил еси человеки, приходившыя к тебе в пустыню послушати от тебе глаголы жизни вечныя. Ибо дадеся тебе от Господа благодать поучения духовнаго, и бысть язык твой яко трость книжника скорописца, начертаваяй на сердцах человеческих спасительныя заповеди Христа Бога, Емуже умиленно пел еси: Аллилуиа.

Икос 5

Видев люди, приходившыя к тебе в пустыню, отче Макарие, церковь тамо во имя Пресвятыя Богородицы, честнаго и славнаго Ея Успения, соорудил еси. И обитель иноческую устроил еси, таже священства благодать восприем, игумен тоя обители был еси, приводяй братию твою пустынную ко спасению. О сем тя хвалим и зовем: Радуйся, непорочный олтаря Господня служителю. Радуйся, Таинств Божественных достойный совершителю. Радуйся, преподобнии руце твои со дерзновением горе воздеявый. Радуйся, молитвы благоумиленныя у престола Божия приносивый. Радуйся, пастырю добрый собраннаго тобою стада пустынных овец. Радуйся, неусыпный делателю винограда Христова. Радуйся, сотворивый и научивый, и того ради велий нареченный во Царствии Небеснем. Радуйся, отечески возлюбивый всю о Христе братию твою. Радуйся, учивый благовременно чада твоя духовная богоугождению истинному. Радуйся, бывый образе преподобия твоим учеником. Радуйся, имя Господа Иисуса во устех и в сердце твоем непрестанно имевый. Радуйся, скорби и лишения пустынныя радостно терпевый. Радуйся, Макарие, великий пустынножителю.

Кондак 6

Проповедник был еси евангельскаго учения братии твоей, преподобне отче Макарие, и чада твоя духовная верно руководил еси к Царствию Небесному, идеже есть жилище всех спасенных милосердием Христа Бога, пришедшаго в мир спасти падшее человечество и давшаго людем во спасение Своя божественныя заповеди, имже последовав, соделался еси истинный Его угодник, немолчно воспевая Ему песнь хвалы и благодарения: Аллилуиа.

Икос 6

Возсиял еси в пустыни светом благоразумия, отче Макарие, и дебрь блатную и неудобопроходимую во училище благочестия претворил еси богомудрыми твоими словесы, имиже приходившыя к тебе верно наставлял еси на стезю богоугождения и спасения. Тебе убо, святому учителю небесныя истины, благодарно зовем: Радуйся, Евангелиа Христова немолчный проповедниче. Радуйся, апостольских преданий ревностный хранителю. Радуйся, верою правою и делы благими Богу угодивый. Радуйся, вослед тебе и чада твоя духовная к Нему приведый. Радуйся, не сокрывый таланта, тебе врученнаго Домовладыкою. Радуйся, куплю многу им сотворивый, спасение душ человеческих. Радуйся, пустыню облагоухавый сладким благоуханием Христовым. Радуйся, в ней насадивый духовныя цветы добродетелей. Радуйся, яко твоими ученьми грешнии к Богу в покаянии обратишася. Радуйся, яко твоими наставленьми заблуждшии правый путь спасения обретоша. Радуйся, ближних твоих искренно возлюбивый. Радуйся, спасению их душевному усердно послуживый. Радуйся, Макарие, великий пустынножителю.

Кондак 7

Хотение имел еси, преподобне отче Макарие, еже Богу благоугождати и спасению душевному ближних твоих благочестно служити. Темже всех приходивших к тебе приимал еси с любовию, и яко кормчий добрый, утомленныя треволнением житейскаго моря приводил еси в тихое пристанище пустыннаго иноческаго жития, поучая их сердцем и усты немолчно возглашати Богу: Аллилуиа.

Икос 7

Новаго тя Макариа Великаго, наставника душеспасительнаго, яви Христос во стране Российстей, преподобне отче, и дивными дары Божия благодати обогати тебе, душевныя ради твоея чистоты и многия святости: дадеся бо ти свыше благодать чудотворения и прозорливства, и был еси пророк и врач безмездный людем, иже научишася звати тебе: Радуйся, крине пустыннаго прозябения. Радуйся, маслино Божия благословения. Радуйся, пустыню духовно уплодоносивый. Радуйся, обитель иноческую в ней возградивый. Радуйся, чада послушания и смирения в ней населивый. Радуйся, отец истинный учеником твоим бывый. Радуйся, болящыя молитвою твоею исцеливый. Радуйся, скорбящыя словесы твоими богомудрыми утешивый. Радуйся, будущая яко настоящая созерцавый. Радуйся, помышления человеческая прозревавый. Радуйся, древним пророком равночестный. Радуйся, даров Святаго Духа преисполненный. Радуйся, Макарие, великий пустынножителю.

Кондак 8

Странник и пришлец был еси во стране Российстей, преподобне отче Макарие, непрестанно взыскуяй Отечества Горняго, Иерусалима Небеснаго. Темже всякое попечение о земнем стяжании отложил еси, и в крайней нищете жизнь твою провождал еси, да обогатишися нетленным златом от праведнаго Мздовоздателя Христа Бога, Емуже присно пел еси: Аллилуиа.

Икос 8

Весь в Бозе быв, преподобне отче Макарие, во глубочайшую пустыню от обители твоея удалился еси, и на острове посреде блата кущу себе поставив, в безмолвии совершеннем молитвами непрестанными с Богом беседовал еси, мшиц угрызение и пустынное озлобление мужественно терпя. Поминающе убо таковое твое терпение и злострадание, яко мучеников сострадальца чествуем тя звании сими: Радуйся, безстрастие совершенное стяжавый. Радуйся, безмолвия ненарушимаго возжелевый. Радуйся, молитвы непрестанныя возлюбивый. Радуйся, образ злострадания и долготерпения себе явивый. Радуйся, тело твое мшиц угрызением уязвивый. Радуйся, нищелюбец крайний бывый. Радуйся, блаженство нищих духом унаследивый. Радуйся, о едином на потребу всегда помышлявый. Радуйся, на земли небесно поживый. Радуйся, во плоти безплотным поревновавый. Радуйся, мучеников сострадальче. Радуйся, преподобных красото. Радуйся, Макарие, великий пустынножителю.

Кондак 9

Всем приходившым к тебе в пустыню, преподобне отче макарие, бысть дивно видети тя, в раздранней и многошвенней ризе ходившаго, вериги тяжкия на раменах носившаго и в месте блатнем уединенно пребывавшаго, вне всякаго человеческаго утешения. Обаче ты вся приходившыя со светлым лицем и любовию отеческою приимал еси, богатыя и убогия, вельможи и простыя, и коемуждо слово душеполезно изрекал еси, увещавая их благоугождати Богу верою правою и делы благими и звати Ему: Аллилуиа.

Икос 9

Витии премудрыя превозшел еси благодатным действом словес твоих, преподобне отче Макарие, зане теми грешныя на покаяние приводил еси, кающыяся уцеломудрил еси, подвизающыяся в добродетели укрепил еси, и всем путь спасительный ко Христу показал еси, по немуже сам неуклонно шествовал еси до блаженныя твоея кончины, достоин воистинну явився похвал таковых: Радуйся, написавый на скрижалех сердца твоего закон Христов. Радуйся, провозвестник его ближним твоим бывый. Радуйся, яко быша словеса твоя меда сладчайша жаждавшым учения духовнаго. Радуйся, яко твоими наставленьми спасошася мнози. Радуйся, из глубины пустыни светивый миру. Радуйся, от дебри блатныя возсиявый зарею благоразумия. Радуйся, Российския страны благодатное озарение. Радуйся, Новаграда духовное просвещение. Радуйся, главо святая, благодатию Божиею осененная. Радуйся, источниче обильный учения душеспасительнаго. Радуйся, проповедниче сладкоглаголивый, вещавый словеса жизни вечныя. Радуйся, уготовавый ученьми твоими Господеви подвижники совершенныя. Радуйся, Макарие, великий пустынножителю.

Кондак 10

Спасения надежду стяжал еси при исходе твоем, преподобне отче Макарие, и якоже пшеница зрелая, во время пожатая, кончиною святою преселился еси от земли во обители горния, прияти мзду от руки праведнаго Мздовоздателя Христа, Иже вчини душу твою со святыми, немолчно возглашающими пред Престолом Славы Его победную песнь: Аллилуиа.

Икос 10

Царя Небеснаго Христа верный раб и угодник был еси, преподобне отче Макарие. Темже и доныне место пустынное твоих подвигов ясно свидетельствует о твоем богоугождении, яко ты со Христом во обителех блаженства вечнаго водворяешися, благоухание чудное испущая от честнаго твоего гроба. Сего ради вопием ти: Радуйся, радостно предавый душу твою в руце Божии. Радуйся, святую кончину получивый в возмездие трудов твоих. Радуйся, благоухание сладостное испустивый от мертваго твоего телесе. Радуйся, сие благоухание и доныне испущаяй верным от честнаго твоего гроба. Радуйся, мощами твоими в пустыни твоей погребенный. Радуйся, душею безсмертною в Сионе Горнем водворенный. Радуйся, в недрех земных смиренно почиваяй. Радуйся, от раки твоея преславно исцеления источаяй. Радуйся, чудесы многими прославленный. Радуйся, сострадания к людем преисполненный. Радуйся, благий целебниче недугов душевных и телесных. Радуйся, небесный заступниче с верою к тебе притекающих. Радуйся, Макарие, великий пустынножителю.

Кондак 11

Пение Пресвятей Троице горе приносиши, преподобне отче Макарие, и присно ходатайствуеши за люди, молитвенно тя почитающыя, прося им мира свыше и благопоспешения во всем благом. Молися, угодниче Божий, и за нас смиренных и грешных, подвиги твоя хвалебно воспоминающих и имя твое святое в помощь призывающих, да не лишени будем наследия небеснаго и пения со святыми: Аллилуиа.

Икос 11

Светильника тя благодатнаго вемы, преподобне отче Макарие, и прославляем прославльшаго тя Господа, Иже чудесы многими гроб твой ознаменова. Струи бо исцелений благодатных источаеши верным, во еже вопити тебе: Радуйся, земный ангеле. Радуйся, небесный человече. Радуйся, безмезднаго врачевания источниче. Радуйся, милости духовныя подателю. Радуйся, мироположнице благоухания Христова. Радуйся, услаждаяй душы наша вонею сладкою от святаго твоего гроба. Радуйся, скорбящих утешителю. Радуйся, болящих целителю. Радуйся, в сониих и видениих верныя посещаяй. Радуйся, пустыню твою чудесы прославляяй. Радуйся, смирением высокая стяжавый. Радуйся, дерзновение многое ко Господу получивый. Радуйся, Макарие, великий пустынножителю.

Кондак 12

Благодать от Господа испроси нам, преподобне отче Макарие, почитающым с любовию святую память твою и усердно притекающым к честней раце мощей твоих святых, от неяже чудесная исцеления подаеши недужным. Темже прилежно молимся тебе: исцели наша недуги душевныя и телесныя, и помози нам предстательством твоим спасение вечное получити, да вкупе с тобою воспоем Дивному во святых Своих Богу: Аллилуиа.

Икос 12

Поюще подвиги твоя пустынныя, преподобне отче Макарие, ублажаем равноангельное житие твое, имже поучаеши нас ко славословию Христа Бога, явившаго тя чудотворца преславна. Темже припадающе к раце мощей твоих, умильно глаголем: Радуйся, Пресвятыя Троицы верный угодниче. Радуйся, Пресвятыя Богородицы усердный славителю. Радуйся, ангельских ликов собеседниче. Радуйся, всех святых сожителю. Радуйся, пустынножителей славо и похвало. Радуйся, Российския Церкве духовная лепото. Радуйся, пустыни твоея сокровище благодатное. Радуйся, недугующих врачевство Богом дарованное. Радуйся, приходящих на поклонение мощем твоим святым благий предстателю. Радуйся, почитающих святую память твою небесный покровителю. Радуйся, душ и телес наших целебниче. Радуйся, преславный и предивный чудотворче. Радуйся, Макарие, великий пустынножителю.

Кондак 13

О преподобне и богоносне отче Макарие! Вонми милостивно гласу моления нашего, и приими сие малое похвальное пение, с верою и любовию тебе приносимое от нас недостойных, и умоли Господа и Владыку нашего, избавити нас от погибели вечныя и сподобити блаженства святых, вопиющих Ему вечно хвалебную песнь: Аллилуиа.

Этот кондак читается трижды, затем икос 1-й и кондак 1-й

Храни Вас Господь!

Обязательно к прочтению:  Святитель Петр чудотворец, митрополит Московский и всея Руси

Вам будет интересно посмотреть еще и видео рассказ о святом Макарие:

Добавить комментарий

Ваш e-mail не будет опубликован. Обязательные поля помечены *