Святая Иулиания Лазаревская, Муромская

«Спаси, Господи!». Спасибо, что посетили наш сайт, перед тем как начать изучать информацию, просим подписаться на наше православное сообщество в Инстаграм  Господи, Спаси и Сохрани † -  https://www.instagram.com/spasi.gospodi/ .  В сообществе больше 18 000 подписчиков.

Нас, единомышленников, много и мы быстро растем, выкладываем молитвы, высказывание святых, молитвенные просьбы, своевременно выкладывам полезную информацию о праздниках и православных событиях... Подписывайтесь, мы Вас ждем. Ангела Хранителя Вам!

Житие святой Иулиании Лазаревской началось в XVI веке, в семье благочестивых родителей, дворян по происхождению. Ей предстояла жизнь полная страданий, однако она всегда с терпением и верой относилась ко всему.

4114

Житие праведной Иулиании

Святая в возрасте шести лет стала полной сиротой. Воспитание на себя взяла бабушка по матери. К сожалению, вскоре, через шесть лет ушла и она в мир иной. Она передала завещание в котором просила о приюте для внучки у своей дочери, которая и так воспитывала девятерых детей.

Уже с детства девочка отличалась своим добрым нравом любовью к молитве и рукоделию. Подвергалась насмешкам других детей. Однако она не злилась и не отчаивалась и молилась еще усерднее, соблюдая строгий пост, воздержание и коленопреклоненную молитву.

Ее близкие постоянно отговаривали ее и переживали за состояние здоровья, однако девочка была непреклонна в своей вере. Подвигом по жизни Иулиании была помощь нуждающимся. Ночами она шила, чтобы поделится с сиротами и нуждающимися, а также ухаживала за больными и старалась всех накормить.

За ее добродетель ее сосватал владелец одного из соседних сел. Юрий Осорьин стал мужем для шестнадцатилетней Иулианы. В доме мужа она не прекращала окутывать всех своей добродетелью, кротостью и молитвой, была образцовой хозяйкой. Не забывала женщина никогда о вере и коленопреклоненной молитве. Много времени проводила над рукоделием, и творила милосердные дела:

  • раздавала одежду нищим;
  • шила для храмов;
  • давала деньги нищим и сиротам.

Все свои пожертвования она старалась делать тайно, с помощью одной помощницы служанки.

К слугам относилась снисходительно и всю работу по дому старалась делать сама.

Однажды ей было видение, в котором нечистая сила грозилась погубить ее, если она не прекратит своих благодеяний. Однако она наоборот еще с большим рвением начала помогать нуждающимся. Во время голода она раздавала пищу тайно. Во время эпидемии не боялась ухаживать за больными, мыть умерших, а также молиться за всех. Она несла в мир слово Божье, будучи безграмотной.

В браке Иулиана была счастливой матерью десяти сыновей и трех дочерей. Однако дочери умерли в младенчестве, а два сына погибли на службе у царя. Мужа и детей она приучала к молитве своим примером, ведь это единственный путь утешения и спасения.

После гибели сыновей Иулиана решает принять постриг, однако супруг запрещает ей мотивируя тем, что остальные дети в ней очень нуждаются. Несмотря на это она ведет монашескую жизнь в миру и живет ради других. Она воспитывала детей, вела хозяйство и усердно молилась, сну уделяла лишь два-три  часа. Спала на полу и жила в строгом посту.

Полезные статьи:
Молитва Оптинских старцев на каждый день
Люди, которые только стали более глубоко изучать религию, сталкиваются со многим новым: новой информацией, новыми людьми, которые имеют или имели влияние на людей своей духовностью. Среди таких людей выделяют Оптинских старцев. Молитва Оптинских старцев на каждый день с... Читайте далее
Молитва Ксении Петербургской о замужестве, о любви, о благополучии, о здоровье и др.
Толпы паломников стекаются к могилке Блаженной, к тесной маленькой часовне. Верующие и сами прикладываются к ее гробнице, и прикладывают иконки с изображением ее святого лика. Просят люди о здоровье своем и близких своих, о покровительстве в делах мирских, о даровании дете... Читайте далее
Молитвы на счастье в семье, личной жизни, браке и не только
Молитва о семейном счастье является вполне естественной для каждого, кто желает жить в любви и понимании с супругом, детьми, родителями. В понимании верующего человека счастливая семья – это взаимная любовь, поддержка, уважение, и это все в сопровождении Господа.Семей... Читайте далее
Вечернее правило молитвы
Вечернее правило молитвы на сон грядущим читать необходимо для того, чтобы люди задумывались о смерти. Дело в том, что в действительности многие живут и не задумываются об своём исходе. Ведь в действительности люди не владеют информацией о том, что будет завтра или даже чер... Читайте далее

Однажды по немощи своей телесной святая перестала посещать храм. Тогда священнослужителю был глас Богородицы: Пойди и скажи милостивой Иулиании, отчего она не ходит в церковь? И домашняя ее молитва угодна Богу, но не так, как церковная. Вы же почитайте ее, ей уже 60 лет и на ней почивает Дух Святой».

Когда муж ее отошел в мир иной, Иулианна раздала все, даже теплую одежду и была к себе еще более строга. Духи злобы искушали и нападали на нее все время угрожая, однако она не боялась, а творила молитву.

В тяжелые времена голода и гонения во время царствования Бориса Годунова, женщина помогала выжить научившись выпекать хлеб. Она с особой любовью относилась к слугам своим и ближним, никогда не унывая и без ропота на жизнь и властей.

Перед кончиной она приготовилась попросив прощение и взяв у руки четки и произнеся молитву предалась Господу 10 января 1604 году. Свидетели указывают на наличие нимба над головой женщины.

Приобретение мощей

Святая была погребена по ее же просьбе в Муроме, у храма св. Лазаря, где она трудилась и молилась. Мощи святой, которые истощали благовоние и были приобретены в 1614, когда во время копания могилы для сына Иулианны. В этом же году святую причисляют к лику святых за ее благодеяния и непрестанную службу Господу.

То, о чем просят Иулиану Лазаревскую Муромскую:

  • исцеление от недугов (дети в особенности);
  • от голода и нищеты;
  • в разных житейских нуждах.

На сегодняшний день мощи святой праведной Иулиании Лазаревской после долгих лет скитаний, открыты и находятся в Михаило-Архангельском храме с. Лазарево Владимирской обл.

День памяти Иулиании Лазаревской по церковному календарю принято чтить 15 января (2 января старый стиль).

Молитвы и икона

Самые сильные молитвы произносимые у лика святой. В день памяти,  и в сильной нужде читают акафист Иулиании Лазаревской, тропарь и кондак.

Молитва праведной Иулиании Лазаревской, Муромской

Утешение наше и похвала, Иулиание, голубице богомудрая, яко финикс, преславно процветшая, криле добродетелей священне и посребренне имущая, имиже на высоту Царствия Небеснаго возлетела еси! Похвальная пения памяти твоей радостно днесь приносим, понеже Христос нетлением чудесным тя увенча и бла­годатию исцелений тебе прослави. Зане любовию Христовою уязвив­шися, от младости чистоту душевную и телесную хранила еси, пост же и воздержание возлюбила еси, имиже, помогающей ти благодати, вся страсти мира сего попрала еси, и, яко пчела, мудро цвет добро­детелей изыскавши, пресладкий мед Святаго Духа в сердце свое вселила еси и, еще во плоти бывши, посещения Богоматере сподо­билася еси. Прилежно убо тя молим: молися, госпоже, да подаст нам в Троице славимый Бог твоими молитвами многолетно здравие же и спасение, тишину и изобилие плодов земных и на враги победы и одоления. Сохрани предстательством твоим, преподобная мати, страну Российскую и град сей и вся грады и страны христианския неврежденны от всех навет и козней вражиих. Помяни, госпоже, убогия рабы твоя, днесь в молитве тебе предстоящия, но чрез все житие свое паче всех человек прегрешившия, обаче теплое покаяние о сих приносящия и твоими к Богу молитвами оставление грехов получити просящия, яко да, греховных страстей свободившеся, благодарственное пение тебе приносити присно потщимся и прославим всех благих Подателя Бога, Отца, и Сына, и Святаго Духа, ныне и присно и во веки веков. Аминь.

Тропарь, глас 4

Просветившися Божественною благодатию, и по смерти светлость жития твоего явила еси: источаеши бо миро благовонное всем болящим на исцеление, с верою приходящим к мощем твоим, праведная мати Иулиание, Христа Бога моли спастися душам нашим.

 

Кондак, глас 8

Скоропослушливую помощницу вси, сущии в бедах и болезнех, воспоем Иулианию святую, та бо в мире богоугодно поживе и милостыню к нищим безмерну показа, сего ради обрете благодать чудес Божиим велением.

 

Кондак 1

Избранная Богом, праведная и милостивая Иулиание, в земли Муромстей яко звезда пресветлая возсиявшая, нищих питательнице и о людех ко Христу Богу молитвеннице, прославляюще прославльшаго тя Господа, похвальными песньми воспоим тя, образ подвига духовнаго всем женам показавшую. Ты же, яко имущая дерзновение ко Господу, молитвами твоими от всяких бед свободи нас, с любовию зовущих: Радуйся, милостивая Иулиание, жен благочестивых похвало и украшение.

 

Икос 1

Ангельское иноческое житие от юности возлюбила еси, блаженная Иулиание, и Богу единому поработати всем сердцем возжелала еси. Обаче смотрением Своим ин путь спасения предустави тебе Господь, еже в браце честнем святым житием Ему угодити. Сего ради, егда достигла еси возраста брачна, вдана была еси мужу добродетельну и богату, именем Георгию, и венчани бысте в церкви праведнаго Лазаря. Тогда вси сродницы супруга дивляхуся разуму твоему, смирению и послушанию. Мы же таковому чудному Промыслу Божию дивящеся, радостно взываем ти:

Радуйся, родителей нищелюбивых Иустина и Стефаниды чадо благословенное.

Радуйся, матере лишившися, вне крова отеческаго в вере и благочестии воспитанная.

Радуйся, звездо пресветлая, в селении Лазареве Богом возжженная.

Радуйся, лилие благоуханная, в тишине лесов муромских возращенная.

Радуйся, сверстником твоим образ благонравия показавшая.

Радуйся, агнице чистая, иноческаго чина измлада искавшая.

Радуйся, послушнице кроткая, Божиею волею мужу врученная.

Радуйся, во смирении и доброделании жизнь свою проводившая.

Радуйся, любовь нелицемерную к Богу и ближним явившая.

Радуйся, Пресвятою Богородицею возлюбленная.

Радуйся, ангельски на земли пожившая.

Радуйся, яко ныне со Ангелы ликуеши в обителех Небесных.

Радуйся, милостивая Иулиание, жен благочестивых похвало и украшение.

 

Кондак 2

Видя враг рода христианскаго твоя благотворения, всенощная бдения и пощения, возжела душу твою смутити страховании. Ты же, мати Иулиание, всю надежду на Бога и Пречистую Его Матерь возложивши, призвала еси на помощь святителя Николая Чудотворца. И явися святый Никола, держа книгу велику, разгна бесы, благослови тя и рече: «Дщи моя, мужайся и крепися, Христос бо мне повеле тя соблюдати от бесов и злых человек». Темже Бога благодарящи, радостно пела еси ангельскую песнь: Аллилуиа.

 

Икос 2

Разум человеческий недоумевает, како ты, блаженная мати, в суете житейстей пребывающи, душею в чертозех Небесных немятежно обитала еси, и богатство изобильное имущи, яко чуждее и Богом тебе врученное восприимала еси; в браце же честнем крест свой понесши, высоту добродетелей показала еси и чада своя в вере и благочестии воспитала еси. Мы же, таковую тебе от Бога данную благодать чтуще, с любовию величаем тя:

Радуйся, с супругом твоим в любви и благочестии пожившая.

Радуйся, молитвою и кротостию мужа твоего спасавшая.

Радуйся, чад твоих в делании добра утвердившая.

Радуйся, богомудрыми глаголы их просветившая.

Радуйся, госпоже милостивая, слугам своим евангельски послужившая.

Радуйся, праведная мати, в мире поживши, святости удостоенная.

Радуйся, явлением святителя Николая обрадованная.

Радуйся, от духов нечистых им спасенная.

Радуйся, бесовская наваждения мужественно претерпевшая.

Радуйся, наветы и козни лукаваго разорившая.

Радуйся, молитвы умиленныя, яко кадило благовонное, Богу приносившая.

Радуйся, в мире живущим ко спасению путеводительнице.

Радуйся, милостивая Иулиание, жен благочестивых похвало и украшение.

 

Кондак 3

Сила Всевышняго дарова тебе крепость в терпении тяжкий свой крест понести, егда чистыя души четырех сынов и двух дщерей твоих, во младенчестве, яко птицы небесныя к Богу возлетеша. Ты же, о богомудрая мати, сама яко горлица Божия, к селениям райским душею устремляющися, за вся благодарила еси Бога и оставшихся в живых чад твоих любовию и молитвою назидала еси, о усопших же с Иовом праведным умильне глаголющи: «Господь даде, Господь отъя. Ныне же чадца моя малая Бога со Ангелы славят, о своих же родителех тепле Его умоляют, от чистых устен приносящи серафимскую песнь: Аллилуиа».

 

Икос 3

Имеющи сердце всех милующее, благодатныя любве преисполненное, воистину мати милостивая, Иулиание, явилася еси во дни Божия посещения земли Муромския тяжким гладом. Ты бо, сама в нужде пребывающи, все имение свое раздала еси, хлебом алчущих питающи и милостыни им дающи, и всем страждущим была еси покров и утешение. Темже и мы, милости и заступления твоего просяще в нуждах и печалех наших, вопием из глубины сердечныя:

Радуйся, яко злато в горниле, огнем скорбей и искушений испытанная.

Радуйся, крест твой с терпением и радостию понесшая.

Радуйся, успение близких, яко разлучение краткое приемлющая.

Радуйся, Царства Небеснаго от Господа им просившая.

Радуйся, во дни глада светом любве твоея землю Муромскую озарившая.

Радуйся, хлебом питающи алчущих, от смерти и мук их избавлявшая.

Радуйся, милости и любве к страждущим людем преисполненная.

Радуйся, во образе нищия братии милость Христу Богу нашему сотворившая.

Радуйся, сокровище милости неистощимое.

Радуйся, яко имение твое раздавши, обрела еси богатство Небесное.

Радуйся, пище и отрадо алчущих и жаждущих.

Радуйся, спасения многих душ человеческих виновнице.

Радуйся, милостивая Иулиание, жен благочестивых похвало и украшение.

 

Кондак 4

Бурею бед и напастей исполнися отечество наше, егда по грехом своим людие язвою смертною наказани быша и оттого мнози в домех запирахуся, и уязвленных сродников к себе не пущаху, и ризам их не прикасахуся. Ты же, блаженная мати, болящих своима рукама в бане омывающи, молила еси Бога об исцелении их, и аще кто умираше, в вечный покой их провождающи, на погребение сребреники давала еси и многу милостыню и сорокоусты по ним творила еси. Ныне же, приемши от Бога благословенное царство, идеже несть болезнь, ни печаль, ни воздыхание, непрестанно поеши Ему: Аллилуиа.

 

Икос 4

Слышащи о лютейшем убийстве сына твоего, уязвилася еси матерним сердцем, богомудрая Иулиание. Обаче не тако смертию его огорчилася еси, колико о внезапней кончине опечалилася еси; еще о убийце его зело сокрушилася еси. Егда же и другий сын твой возлюбленный убиен бысть в служении ратнем, со слезами умиленными воспоминающи страдания Самаго Христа, в молитвах теплых к Нему укреплялася еси и скорбь свою радостию растворяла еси, яко быти тебе, по слову Апостола, во образ всем верующим. Мы же, вере твоей смиренней дивящеся, с любовию величаем тя:

Радуйся, мати многострадальная, чад твоих усопших в руце Господа вручившая.

Радуйся, убийцу сына твоего, якоже Христос распявших Его, простившая.

Радуйся, иго Христово легкое и благое на себе носившая.

Радуйся, ближния твоя паче себе возлюбившая.

Радуйся, многи скорби с благодарением Богу претерпевшая.

Радуйся, скорбящих радосте и утешение.

Радуйся, терпением и молитвою мира сего злобу побеждавшая.

Радуйся, во единем Господе утешение обретшая.

Радуйся, посетительнице в немощех лежащих.

Радуйся, прибежище наше в скорбех и болезнех.

Радуйся, елей утешения всем плачущим и нуждающимся показавшая.

Радуйся, и сама в скорбех наших сострадати нам могущая.

Радуйся, милостивая Иулиание, жен благочестивых похвало и украшение.

 

Кондак 5

Боготечней звезде явилася еси подобна, град Муром и всю землю нашу благодатию озаряющей, праведная Иулиание, и светиши всем, и наставляеши всех чающих спасение души в мире многомятежнем обрести. Сего ради и нас поучаеши, яко един есть истинный путь ко спасению в мире сем, еже вся с верою, надеждою и любовию терпети Христа ради, воспевая Ему песнь: Аллилуиа.

 

Икос 5

Видя супруг твой, яко жаждеши скрытися от мира в обители иночестей, умоляше тя не оставляти его с пятерицею чад. Ты же, кроткая агнице, волю свою смиренно отсекающи, послушливо рекла еси: «Воля Господня да будет», и паки восприявши данный ти от Бога крест подвига в союзе брачнем, паче умножила еси бдения, посты и молитвы, в церковь ходящи к заутрени и к литургии, и дом свой держащи, и вдовам и сиротам помогающи. Мы же, поминающе добродетели твоя, со умилением взываем ти:

Радуйся, любовь твою к Богу любовию к ближним показавшая.

Радуйся, в неустанней молитве дни и нощи проводившая.

Радуйся, родителей супруга твоего любовию и послушанием почтившая.

Радуйся, чадом твоим мати любвеобильная.

Радуйся, образе истиннаго брака христианскаго с супругом твоим явившая.

Радуйся, благочестивым семейством мира и блага подательнице.

Радуйся, воздержания и чистоты истинная хранительнице.

Радуйся, добродетельному и праведному житию наставнице.

Радуйся, яко свято и богоугодно на земли пожила еси.

Радуйся, яко мног плод добродетелей Богу принесла еси.

Радуйся, о всех имя твое призывающих дерзновенная предстательнице.

Радуйся, отечеству твоему пресветлый светильниче.

Радуйся, милостивая Иулиание, жен благочестивых похвало и украшение.

 

Кондак 6

Проповедник жития твоего многоскорбнаго явися твой сын Каллистрат, иже поведа миру тайный и дивный подвиг твой: како ты по преставлении супруга твоего вся яже в мире отвергши, единому Богу возжелела еси угождати, и постящися и милостыню безмерну творящи, сама без теплыя одежды зимою ходила еси, в сапоги босыма ногама обувающися. Темже о тебе, праведная Иулиание, радуется град Муром и светло торжествует Церковь Божия, воспевающе Подвигоположнику Богу песнь: Аллилуиа.

 

Икос 6

Возсия благодать в сердце твоем светом добрых дел, о мати святая. «Не может град укрытися, верху горы стоя», тако и ты, добрым подвигом подвизающися, вместо богатства избравши нищету, вместо покоя труд, молитву и нощная бдения; темже и в чертоги Небесныя с мудрыми девами прията быти сподобилася еси, идеже не престаеши молитися о всех чтущих память твою и вопиющих тебе тако:

Радуйся, заре тихокрылая, Муромский край осиявшая.

Радуйся, веси Лазаревския покрове богодарованный.

Радуйся, с мудрыми девами елей добрых дел собравшая.

Радуйся, любовь Небесную в себе поистине показавшая.

Радуйся, плоть твою духови покорившая.

Радуйся, нестяжания образ нам явившая.

Радуйся, многими добродетельми душу свою украсившая.

Радуйся, любящих тя неизреченныя радости исполняющая.

Радуйся, Божия избраннице, на высоту совершенства возшедшая.

Радуйся, кроткая голубице, к небесней высоте возлетевшая.

Радуйся, милости великия и сострадания хранительнице.

Радуйся, усердная и благоприятная о душах наших молитвеннице.

Радуйся, милостивая Иулиание, жен благочестивых похвало и украшение.

 

Кондак 7

Хотящи по кончине супруга твоего всею душею Богу послужити, ангельскому житию поревновала еси, праведная Иулиание, подвиги к подвигом прилагала еси, паче же Христу подражающи, во смирении, любви и кротости подвизалася еси, шествующи путем спасения, к горнему Небесному отечеству ведущему, воспевающи непрестанно ангельскую песнь: Аллилуиа.

 

Икос 7

Новое знамение высоты жития твоего показа всех творец и Владыка Господь: одежды бо теплыя нищим раздавши, зимою студеною в церковь ходити престала еси, но в дому возносила еси молитвы к Богу. Во едино же утро пришедый в храм праведнаго Лазаря иерей услыша глас от иконы Божия Матере: «Шед, рцы милостивей Иулиании: что в церковь не ходит на молитву? И домовная ея молитва благоприятна, но не яко церковная. Вы же почитайте ю, уже бо она не меньши шестидесяти лет и Дух Святый на ней почивает». Ты же, милостивая мати, в храм Божий направила еси стопы твоя, с теплыми молитвами лобызающи икону Богоматере и пения молебная возносящи. Сего ради людие верни, радующеся, яко Сама Царица Небесная тако тебе возлюби, прославляху тя сице:

Радуйся, Пресвятою Девою Богородицею возлюбленная.

Радуйся, покровом Ея осененная.

Радуйся, от Божия Матере милостивою нареченная.

Радуйся, не от человек, но от Самыя Богоматере славу приявшая.

Радуйся, Заступницы Усердныя благоговейная почитательнице.

Радуйся, Божия Матере избраннице.

Радуйся, пред иконою Богоматере молитвы теплыя возносившая.

Радуйся, яко роса небесная, благодатиею Божиею напоенная.

Радуйся, Духа Святаго жилище.

Радуйся, по Бозе и Богородице крепкое наше упование.

Радуйся, молитвами и милостынями Богу угодившая.

Радуйся, велие дерзновение к Нему стяжавшая.

Радуйся, милостивая Иулиание, жен благочестивых похвало и украшение.

 

Кондак 8

Странницу и пришелицу в мире сем помышляла еси себе быти, мати Иулиание, темже о богатстве земнем всякое попечение отложивши и сестрам Лазаря праведнаго подражающи, многих нищих, недужных и сирых питала еси, в ихже лице Самому Христу служила еси, яко Марфа о них пекущися, духом же Мариину часть возлюбила еси. Ныне же обитаеши со Ангелы во славе вечней и поеши во гласе радования победную песнь Христу Богу: Аллилуиа.

 

Икос 8

Вся земля Муромская скорби и плача исполнися во времена глада великаго, и множество людей неисчетно гладом изомроша. Ты же, милостивая Иулиание, все имение твое распродавши на жито, милостыню давала еси, и ни единаго от просящих не отпустила еси тща. Егда же иссяче зерно в дому твоем, повелела еси слугам твоим собирати лебеду и кору древяную, хлебы из них творящи, и молитвами твоими бысть хлеб сладок. Сего ради с любовию величаем тя:

Радуйся, страннице, горняго отечества искавшая.

Радуйся, скорби многия благодушно претерпевшая.

Радуйся, бедствующим скорая помощнице.

Радуйся, нищим и убогим благосердая попечительнице.

Радуйся, вся имения своя, по слову Господа, раздавшая.

Радуйся, ближним и дальним милостивно благотворившая.

Радуйся, сосуде честный, елей милости Божия в нем храняй.

Радуйся, теплотою любве твоея нас согревающая.

Радуйся, призывающим тя усердная заступнице.

Радуйся, в печалех и злостраданиих сущим незримая предстательнице.

Радуйся, милостынею и подвиги духовными Небесное Царствие стяжавшая.

Радуйся, милостыню творити и нас научающая.

Радуйся, милостивая Иулиание, жен благочестивых похвало и украшение.

 

Кондак 9

Всякое естество человеческое и ангельское удивися великим твоим подвигом, праведная Иулиание, яко на земли равноангельное житие показала еси, дом Духа Святаго была еси и милостынями многими благодать обрела еси у Бога, рекшаго: «Блажени милостивии, яко тии помиловани будут». Темже ныне светлая твоя душа со Ангелы водворяется, воспевающи укрепившему тя Богу благодарную песнь: Аллилуиа.

 

Икос 9

Ветии многовещаннии недоумеют по достоянию восхвалити дела твоя, яже творила еси на земли. Егда же приближися преставление твое, тогда призвала еси, мати блаженная, чад твоих, наказующи их и глаголющи: «Чада, подвизайтеся и любовь имейте между собою, якоже Христос возлюби нас»; и обвивши четки вокруг руки своея, рекла еси: «Слава Богу всех ради! В руце Твои, Господи, предаю дух мой», — и предала еси святую свою душу в руце Божии, и вси собравшиися видеша у главы твоея круг злат, яко на иконах святых пишется. Мы же, почитающе блаженную твою кончину, воспеваем тя:

Радуйся, от юности твоея Господа всем сердцем возлюбившая.

Радуйся, верность Ему до конца сохранившая.

Радуйся, посреде мира богоугодно пожившая.

Радуйся, милостынями и молитвами Богу угодившая.

Радуйся, свято и преподобно жизнь земную скончавшая.

Радуйся, венец безсмертия от Господа приявшая.

Радуйся, преселившаяся от земли к обителем Небесным.

Радуйся, к лику святых жен тамо приобщившаяся.

Радуйся, угоднице Божия, дивным житием твоим яко солнце сияющая.

Радуйся, чудесы твоими от Бога прославленная.

Радуйся, яко предстательством твоим у Христа Бога вечное спасение нам подаеши.

Радуйся, яко фимиам молитв твоих о всех девах и женах Ему приносиши.

Радуйся, милостивая Иулиание, жен благочестивых похвало и украшение.

 

Кондак 10

Спасти хотящи душу твою, милостивая Иулиание, шествовала еси путем узким и прискорбным, и тако Царствие Небесное унаследовала еси и скончалася еси яко истинная ученица Христа Бога, заповеди Его исполнивши: с плачущими в покаянии утешение себе обрела еси, кротостию ко всем землю кротких наследовала еси, нищелюбием и милостынями помилование от Господа получила еси, чистотою сердца Бога зрети сподобилася еси, Емуже со всеми святыми ныне поеши победную песнь: Аллилуиа.

 

Икос 10

Стена необоримая явилася еси верным, к скорому твоему предстательству прибегающим, егда обретены быша честныя мощи твоя, святая Иулиание. И видеша людие гроб твой полн мира благоуханнаго, и мнози, помазавшеся миром тем, от различных недуг исцеления приимаху. Темже и мы, грешнии, к раце мощей твоих ныне притекающе, молим: заступи и сохрани нас молитвами твоими от искушений и скорбей, бед и напастей, да взываем ти:

Радуйся, нетлением мощей твоих от Бога прославленная.

Радуйся, землю нашу сиянием чудес твоих облиставшая.

Радуйся, евангельских заповедей верная исполнительнице.

Радуйся, вечныя радости со Христом причастнице.

Радуйся, нищетою духовною в вертограде Небеснем водворившаяся.

Радуйся, умиленными слезами утешение вечное приявшая.

Радуйся, алкавшая и жаждавшая правды, ныне же райскаго блаженства наслаждающаяся.

Радуйся, духом кротости землю обетования наследовавшая.

Радуйся, яко милосердия делами милостивых блаженство от Господа получила еси.

Радуйся, яко чистым сердцем Бога ныне лицем к лицу зриши.

Радуйся, терпением правды ради в Царство Небесное вшедшая.

Радуйся, яко мзда твоя многа на Небеси.

Радуйся, милостивая Иулиание, жен благочестивых похвало и украшение.

 

Кондак 11

Пение всеумиленное с верою и любовию приносим ти, преведная Иулиание, славим и величаем прославльшаго тя и дивнаго во святых Своих Бога нашего, даровавшаго нам таковую милостивую предстательницу и целительницу недугов, и молимся тебе: сохрани во всяком благополучии и чистоте люди православныя и соблюди нас от всякаго злаго обстояния, да мирно и безмятежно в державе нашей жительствующе, благодарне воспеваем Богу: Аллилуиа.

 

Икос 11

Возсияла еси, яко светильник, поставленный не под спудом, но на свещнице, исполнен елея веры, надежды и любве, наипаче же христианскаго терпения, милосердия и воздержания, не точию в земли Муромстей, но и всю богоспасаемую страну нашу осветила еси лучами твоего богоугоднаго жития и многими чудесы исцеления источаеши от нетленных мощей твоих, утешающи и радость дарующи всем верным, вопиющим тебе таковая:

Радуйся, звездо небосветлая, в земли Муромстей воссиявшая.

Радуйся, светозарное светило, всю страну нашу осветившее.

Радуйся, града Мурома духовное сокровище.

Радуйся, веси Лазоревския неотступная хранительнице.

Радуйся, светильниче света небеснаго, путь к Царствию Божию нам указуяй.

Радуйся, светлостию чудес твоих мрак душ наших озаряющая.

Радуйся, во тьме неверия блуждающим путеводительнице.

Радуйся, яко и нас благодатным светом просвещаеши.

Радуйся, души и телеса наша благодатию Божиею исцеляющая.

Радуйся, заступнице милостивая и неусыпающая хранительнице наша.

Радуйся, свеще неугасимая, любовию к Богу возжженная.

Радуйся, любящим и чтущим тя сугубо любовию воздающая.

Радуйся, милостивая Иулиание, жен благочестивых похвало и украшение.

 

Кондак 12

Благодать, данная ти от Бога, целити недуги душевныя и телесныя, созывает верных к раце мощей твоих, пред ними бо малое моление приносяще, велию благодать от Господа получаем. Темже молим тя: пролей ныне теплую молитву ко Господу, да укрепит Церковь Святую, да утвердит страну нашу и веру Православную в ней сохранит; умоли Христа Бога нашего, да возгорятся светильницы наши от елея добрых дел, и помози всем девам и женам отчизны нашея срести Господа и удостоитися одесную Него стояти и славити Его во веки ангельскою песнию: Аллилуиа.

 

Икос 12

Поюще и превозносяще Всемилостиваго Бога, даровавшаго нам тебе, милостивая мати Иулиание, прославляем дела милосердия и подвиги твоя, имиже Господа на земли прославила еси, хвалим ревность твою по Богу, любовь к Пречистей Его Матери, ублажаем служение твое нищим, болящим и убогим, славим кротость твою, величаем смиренномудрие твое и почитаем святую память твою, со умилением воспевающе тебе тако:

Радуйся, в вышних Престолу Божию со Ангелы предстоящая.

Радуйся, яко со избранными Его во обителех райских торжествуеши.

Радуйся, с преподобными и праведными венцем безсмертия увенчанная.

Радуйся, всего богосветлаго лика святых жен собеседнице.

Радуйся, Церкве Христовы славо и украшение.

Радуйся, цвете благоуханный земли нашея.

Радуйся, во свете невечернем обитающая.

Радуйся, душетленных недугов тьму отгоняющая.

Радуйся, безнадежных страдальцев богодарованная целительнице.

Радуйся, бесноватых от насилия диавола свободительнице.

Радуйся, истинныя любве к Богу наставнице.

Радуйся, всем христианом земли нашея благодатное утешение.

Радуйся, милостивая Иулиание, жен благочестивых похвало и украшение.

 

Кондак 13

О пречудная и милостивая голубице, святая праведная Иулиание, приими ныне малое сие моление наше и вознеси его ко Христу Богу нашему; испроси нам у Всемилостиваго Спаса утверждение в вере и добрых делех, избавление от всех бед и напастей в жизни  сей, во успении же нашем благую надежду на спасение, да сподобимся в радости вечней воспевати Ему: Аллилуиа.

(Этот кондак читается трижды, затем икос 1 и кондак 1)

О святой известно современным православным не так много, и поэтому иконы святой присутствуют не во всех православных церквах. Поклонится святой съезжаются со всего мира в с. Лазарево. Здесь стоит икона святой, а также несколько источников один из которых назван именем святой.

Обязательно к прочтению:  Чем помогает икона святой Максим Грек

Святая также известна тем, что она является героиней литературного произведения. Также икону святой Иулиании можно лицезреть в музее в Муроме, на которой святая изображена с супругом и дочерью.

Храни Вас Господь!

Вам будет интересно посмотреть еще и видео рассказ о святой Иулиании:

Добавить комментарий

Ваш e-mail не будет опубликован. Обязательные поля помечены *