Житие Анисии Солунской было во времена императора Максимиана, когда всех христиан преследовали за веру. По его приказу людей, которые отказались принести подношения языческому богу, предавали пыткам и казни. При этом могли безосновательно убить.

Житие святой Анисии

Девушка была единственной и богатой наследницей родителей, которые воспитывали ее в традициях христианской веры. Когда они умерли, Анисия дала волю всем рабам, продала имущество и стала помогать деньгами вдовам, сиротам, бедным. Она ухаживала за стариками и больными, утешала страждущих, поддерживала осужденных в тюрьмах. Привыкла к суровой жизни, трудилась и читала священное писание, а ночи проводила в молитвах. Спала на земле, постелью служила подстилка из тростника, одевалась в рубища. Когда все деньги закончились, стала жить в бедности и трудится.

В один из дней Анисия шла на христианское собрание, а другие люди направлялись в языческий храм приветствовать бога Солнца. Один римлянин воин остановил ее и стал требовать, чтобы она шла со всеми на праздник, но она отказалась. Когда он схватил ее за руку, она назвала имя Иисуса Христа. Это вывело воина из себя, он ударил ее мечом. Девушка упала вся в крови на землю. Христиане предали тело земле в городе Солуни возле городских ворот.

День почитания святой — 12 января.

В чем помогает икона Анисии Солунской

Святому лику Анастасии издавна молились при желудочных заболеваниях и геморрое.

После нового года, перед рождеством забивали поросят и распространенным рецептом были желудки. Их варили, жарили, начиняли луком, грибочками и салом, делали колбасу. Это была тяжелая пища и вызывала различные расстройства кишечника и желудка. Поэтому Святую Анисию в православии называют Желудочница.

В день памяти святой люди следовали определенным приметам:

• В день праздника гадали на погоду. Если желудок свиньи был пустой, будет холодно. Гладкая селезенка – к сильным морозам. Увеличенная печень – будет стужа.
• Мужчины 12 января уходили охотиться. Если им повезло, несли убитого кабанчика по улице. Затем его забивали, разделывали и угощали всех.
• С праздником Анисьи связаны многие приметы. В этот день погода всегда была с сильными морозами, поэтому говорили «Не проси у Анисьи тепла». Но если слышно было затейливое чириканье воробышков, то следует скоро ждать потепление.
• На Анисьин день девицам нельзя было шить, вязать, брать подарки от незнакомых людей, солить пищу.

И обязательно в этот день читалась молитва мученице Анисии Солунской:

О, до́блественная страстоте́рпице Христо́ва Ани́сия, земли́ на́шея до́брое прозябе́ние, Це́ркве Ру́сския избра́нная дщи! Кто не удиви́тся си́ле Бо́жией, в не́мощи твое́й соверши́вшейся? Ты бо, му́жески враги́ ви́димыя и неви́димыя низложи́вши, заточе́ния и мно́гия му́ки Христа́ ра́ди претерпе́ла еси́ и Ца́рствие Небе́сное насле́довала еси́. Те́мже тя, я́ко благу́ю и ве́рную рабу́ Госпо́дню, досто́йно почита́юще, приле́жно мо́лим: моли́ о нас Всеще́драго Бо́га, да да́рует Це́ркви Росси́йстей благостоя́ние, Оте́честву на́шему мир, лю́дем во благоче́стии преспея́ние, в скорбе́х утеше́ние, в обстоя́ниих по́мощь и заступле́ние, да благода́тию Бо́жиею и твои́м те́плым предста́тельством земно́е жи́тельство пройде́м и Ца́рствия Небе́снаго дости́гнем, иде́же вку́пе с тобо́ю сподо́бимся прославля́ти ди́внаго во святы́х Свои́х Бо́га на́шего, Отца́ и Сы́на и Свята́го Ду́ха во ве́ки веко́в. Ами́нь.

Акафист Святой Анисии:

Кано́н святы́я Ани́сии. Гла́с 4.

Пе́снь 1.

Ирмос: Мо́ря чермну́ю пучи́ну невла́жными стопа́ми дре́вний пешеше́ствовав Изра́иль, крестообра́зными Моисе́овыма рука́ма Амали́кову си́лу в пусты́ни победи́л е́сть.

Пою́щу светоно́сную па́мять твою́, Све́т мне́ низпосли́, я́ко Отцу́ све́тов предстоя́щи в ра́дости, всехва́льная, страсте́й мои́х бу́рю твои́ми моли́твами отгоня́щи.

Воздержа́нием душе́вную обнови́ла еси́, богому́драя, ни́ву, муче́ния кла́с плоди́вши Де́лателю, соблю́дшему и кре́пость тебе́ вдохну́вшему, де́во му́ченице досточу́дная.

Руце́ твое́й, богате́йше подаю́щей бога́тство тле́нное, богатотво́рную приобрела́ еси́ жи́знь, ника́може мимотеку́щую, и сокро́вище неистощи́мое, му́ченице, и сла́ву небе́сную.

Богородичен: Из Тебе́, Неискусобра́чная, дне́сь вся́ческих Творе́ц пло́тски ражда́ется по на́м и пелена́ми повива́ется, повива́яй мо́ре мгло́ю, Ма́ти Присноде́во.

Пе́снь 3.

Ирмос: Весели́тся о Тебе́ Це́рковь Твоя́, Христе́, зову́щи: Ты́ моя́ кре́пость, Го́споди, и прибе́жище, и утвержде́ние.

Добро́ты твоея́ душе́вныя Творе́ц тво́й вожделе́в, неве́сту тя́, вои́стинну добру́ и непоро́чну, му́ченице, Себе́ обручи́л е́сть.

Стра́сти Безстра́стнаго, умертви́вшагося на́с ра́ди, умерщвле́ние, му́ченице честна́я, лю́бящи, му́ченическою умира́еши сме́ртию.

Яко заколе́ние духо́вно, я́ко же́ртва чиста́ соверше́на Тебе́, Бо́гу, принесе́ся, я́же Тво́й Кре́ст возлюби́вшая.

Богородичен: Село́ вме́стно Невмести́маго Соде́теля была́ еси́, Сего́ пло́тию вмести́вши, Обра́дованная Пречи́стая.

Пе́снь 4.

Ирмос: Вознесе́на Тя́ ви́девши Це́рковь на Кресте́, Со́лнце пра́ведное, ста́ в чи́не свое́м, досто́йно взыва́ющи: сла́ва си́ле Твое́й, Го́споди.

Живоно́сным твои́м стопа́м после́дующи, копие́м в ре́бра уязвля́ется и обраща́емое неле́стно прохо́дит ору́жие раба́ Твоя́, Влады́ко Христе́, воспева́ющи Тя́.

Муче́ния сия́ющи светлостьми́ и нетле́ния венце́м увя́зшися, ра́дующися, предстои́ши Христу́, Жениху́ твоему́, му́ченице Ани́сие всехва́льная.

Запе́ншаго ле́стию пе́рвую Еву, му́ченическими противле́ньми побе́ждши, низложи́ла еси́, показа́вши некре́пка, Христу́ воспева́ющи: сла́ва си́ле Твое́й, Го́споди.

Богородичен: Иже невеще́ственная существа́ Созда́вый, теле́сно, я́ко Челове́к, из Тебе́, Богома́ти, дне́сь ражда́ется, Тому́ воспои́м: сла́ва си́ле Твое́й, Го́споди.

Пе́снь 5.

Ирмос: Ты́, Го́споди, мо́й Све́т, в ми́р прише́л еси́, Све́т Святы́й, обраща́яй из мра́чна неве́дения ве́рою воспева́ющия Тя́.

Тя́, Го́споди, исто́чник спасе́ния ве́дящи, ча́шу спасе́ния несумне́нным се́рдцем му́ченица Твоя́ испи́.

Юница Христо́ва, богоприя́тное заколе́ние, богопринесе́нная же́ртва, страстоно́сице Госпо́дня, моли́ спасти́ся на́м.

Све́т была́ еси́, Све́ту вели́кому ясне́е прибли́жившися, и просвеща́еши светоно́сную па́мять твою́ пра́зднующия.

Богородичен: Тя́ ору́жие непобеди́мое на враги́ предлага́ем, Тя́ утвержде́ние и наде́жду на́шего спасе́ния, Богоневе́сто, стяжа́хом.

Пе́снь 6.

Ирмос: Пожру́ Ти со гла́сом хвале́ния, Го́споди, Це́рковь вопие́т Ти́, от бесо́вския кро́ве очи́щшися, ра́ди ми́лости от ре́бр Твои́х исте́кшею кро́вию.

Му́жеский в же́нстем телеси́ у́м восприи́мши, к боре́нию враго́в безпло́тных, му́ченице, изшла́ еси́ и ору́жием терпе́ния ты́я умертви́ла еси́.

Кро́вными наводне́нии мо́ре изсуши́ла еси́ злове́рия, Христо́ву же честну́ю напои́ла еси́ Це́рковь, Ани́сие страстоте́рпице, де́в похвало́.

Немо́кренно подвиго́в прешла́ еси́ бу́рю непотопле́нно, те́мже в приста́нище невла́емо устреми́лася еси́ и и́стинныя наслажда́ешися тишины́, пресла́вная.

Богородичен: Созда́вый по о́бразу Своему́ челове́ка за мно́гое благоутро́бие назида́ет того́, из Тебе́, Де́во Богома́ти, ве́сь в него́ обле́кся.

Седа́лен Ани́сии, гла́с 4.

Над страстьми́ плотски́ми ца́рствующи, страстьми́ животво́рными воцари́лася еси́, от твоея́ кро́ве обагри́вши, честна́я, червлени́цу нетле́нну благоче́стно, Ани́сие; те́мже Всецаря́ неве́ста непоро́чна яви́лася еси́. Но от бе́д изба́ви на́с, соверша́ющих сла́вную па́мять твою́.

Пе́снь 7.

Ирмос: Спасы́й во огни́ авраа́мския Твоя́ о́троки и халде́и уби́в, я́же Пра́вда пра́ведно уловля́ше, препе́тый Го́споди, Бо́же оте́ц на́ших, благослове́н еси́.

Твою́ хра́мину душе́вную, му́ченице, мы́сленно водруже́нную испове́данием Христо́вым, мучи́тельныя поте́кше пото́ки ника́коже поколеба́ша, — Бо́же, — вопию́щую, — благослове́н еси́.

Пра́вды Со́лнца, Христа́, ве́дящи, му́ченице, не восхоте́ла еси́ злочести́вне пожре́ти со́лнцу, повелева́ющу мучи́телю, но пе́ла еси́: Бо́же, оте́ц на́ших, благослове́н еси́.

От твои́х крове́й свяще́нных омочи́вши себе́ багряни́цу, победи́тельным главу́, му́ченице, венце́м венча́ла еси́, и Бо́гу ны́не предстои́ши, Царю́ Безсме́ртному, веселя́щися.

Богородичен: Пови́вый не́бо о́блаки, зе́млю же мгло́ю, от Твоего́ чре́ва ро́ждся, пелена́ми повива́ется и во я́слех полага́ется, Богома́ти Всенепоро́чная, спаса́я ве́дущия Тя́, Богоро́дицу.

Пе́снь 8.

Ирмос: Ру́це распросте́р, Дании́л, льво́в зия́ния в ро́ве затче́; о́гненную же си́лу угаси́ша, доброде́телию препоя́савшеся, благоче́стия рачи́тели, о́троцы, взыва́юще: благослови́те, вся́ дела́ Госпо́дня, Го́спода.

Вдова́м, сирота́м же, и ни́щим, и все́м тре́бующим бога́тство расточи́ла еси́, Вседержи́теля лю́бящи несомне́нно повеле́ния, и муче́ния же честны́я и́щеши ча́ши, ю́же испи́вши, уста́вила еси́, де́во честна́я, жела́ния.

Яко ве́но, принесла́ еси́ Христу́ по́ст и сле́зы, страсте́й умерщвле́ние и кро́ве проли́тие, ре́бр прободе́ние: не обветша́ющий Са́м те́м тебе́ вене́ц и черто́г нетле́нен подае́т и сла́ву небе́сную.

Живе́ши со Ангелы во све́те, де́в с чи́нми, и собо́ры му́ченик спра́зднующи, лице́ Жениха́ твоего́ к лицу́ зря́щи, и све́тлыя сла́вы причаща́ющися, и вопию́щи: благослови́те, вся́ дела́ Госпо́дня, Го́спода.

Богородичен: Се́ ны́не оскуде́ я́ве от Иу́дова пле́мене кня́зь и во́ждь: Ты́ бо, Всенепоро́чная, родила́ еси́, я́же тому́ пре́жде отлежа́щая, жда́ние язы́ков, Христа́. Ему́же пое́м: благослови́те, вся́ дела́ Госпо́дня, Го́спода.

Пе́снь 9.

Ирмос: Ка́мень нерукосе́чный от несеко́мыя горы́, Тебе́, Де́во, краеуго́льный отсече́ся — Христо́с, совокупи́вый разстоя́щаяся естества́. Те́м, веселя́щеся, Тя́, Богоро́дице, велича́ем.

Ка́мению принося́щии че́сти па́че Зижди́теля, зре́ти тя́, сла́вная, не терпя́ще, Бо́гу возложену́, мече́м ссека́ют, сме́ртию боже́ственное безсме́ртие тебе́ обруча́юще.

Фессалони́тский гра́д твои́ми пелена́ми и страда́ньми, му́ченице, хва́лится, де́во; Це́рковь же перворо́дных с пра́ведными и́мать тво́й ду́х боже́ственный, веселя́щийся.

Лива́н, зла́то же и сми́рну в Вифлее́ме Рожде́нному волсви́ принесо́ша ве́рою, страстоте́рпица же кро́вь муче́ния излия́ние, о на́с Того́ моля́щи.

Богородичен: Же́зл прозябла́ еси́ из ко́рене Иессе́ева, Богороди́тельнице, цве́т Божества́, Христа́, на́м ро́ждши, Всечи́стая, дне́сь, Его́же, я́ко Бо́га Невмести́маго и ны́не я́ко Младе́нца, пелена́ми повива́ема, велича́ем.

Храни Вас Господь!

Вам будет интересно посмотреть еще и видео о святой Анисии: