Иоанн Богослов икона, в чем помогает, значение, как молиться

Ангела хранителя вам! Перед тем как читать статьи, просим перейти в наш православных телеграм https://t.me/molitvaikona и подписаться. Там вы найдете самые интересные вырезки из интервью батюшек, редкие молитвы, интересные факты о православии. Переходи быстрее и подпишись на нас!

Святой Иоанн Богослов – один из величайших и самых почитаемых апостолов в православной культуре. Его деяния поистине чудесны и наполнены непоколебимою верою. Он любимый ученик Иисуса Христа, один из двенадцати его последователей, кто не предал Великого и оставался с ним до конца. Именно поэтому его возможности наделены Божьей искрою в благодарность за честность, покорность и любовь.

Св. Иоанн Богослов

Житие Иоанна Богослова

Весь жизненный путь святого – это служение Любви. Она присутствовала абсолютно во всём, что окружало апостола, ибо в ней была его настоящая сила, которую он сердечно даровал людям.

Иоанн родился в простой семье рыболова. Именно по этой причине его и доныне почитают как покровителя рыбаков. С детства он отличался кротостью и справедливостью, которые граничили с некоторой резкостью.

Но всегда на первом месте для него оставалась безграничной любовью ко всему. Несмотря на свой порою пылкий нрав, святой отличался достаточной скромностью. Даже имея особенное положение среди учеников Спасителя, он никогда не пользовался этим и всегда придерживался праведного пути.

Выдающимися чертами характера праведного были наблюдательность и сильная восприимчивость ко всем событиям. Всё это проникало очень глубоко в помыслы Иоанна и становилось частью его самого. Он всегда оставался чутким к болям и переживаниям других: страдания каждого проживал, как свои собственные.

Но с самой великой и возвышенной Любовью он относился к своему Учителю. Жизнь Иисуса стала оплотом и примером для святого. Из неё он познал истину и благодать, всю полноту духовного мира. По его убеждению, преданность – это начало всего, где её нет, там возникает раздвоенность, неуверенность, сомнения, а это разрушает человека как личность.

Иоанн стал не только последователем Христа, своим словом он стёр границу между настоящим и будущим. Ведь каждый истинный христианин, который обращается к Богу через молитву, уже причастен к вечной Божественной жизни, а значит, будущее всего человечества совершается уже здесь, на земле.

Пророчество Иоанна Богослова

Писания святого, известные каждому верующему человеку, также имеют огромную силу, ведь в них заложены основы православия, произнесённые самим Спасителем. В своём “Откровении” Иоанн Богослов писал о том дне, когда все люди предстанут перед Божьим судом. Там же он говорил о поистине грандиозной картине грядущего Апокалипсиса.

Но главным в его пророчествах стало обращение ко людям с мольбою не отступать от веры Христа, ибо только тогда можно получить долгожданное вознаграждение – прекращение страданий земных и обретение новой благодатной жизни.

Икона Иоанна Богослова

Часто в православной иконографии апостол изображается кротким и величественным старцем, с чертами глубокой духовности и нежности, с печатью величественного спокойствия на челе и пронзительным взором, который внимает изречения своего Учителя.

Главной особенностью облика Иоанна на иконе является книга, которую он держит в руках и прижимает к сердцу. Именно через неё открывается его великое учение о Любви… к Богу, к миру, к человеку.

День Иоанна Богослова

День памяти святого Православная Церковь отмечает 8 мая (по старому стилю) или 21 мая (новый стиль). Это большое празднование сопровождается исполнением акафиста и вознесением молитв к Иоанну. Особенно часто к нему обращаются люди, которые находятся по его покровительством:

  • рыбаки;
  • писатели;
  • издатели;
  • книгопечатники.

Также считается, что искренняя молитва, обращённая к апостолу, спасает от любого физического недуга, в частности от сильного отравления, и от хвори душевной. Велика сила праведного в молитвах о семейном счастье, ибо основа его – Любовь.

Известен и тот факт, что каждый год в праздник Иоанна Богослова из гроба, где хранятся мощи святого, появляется благовонное миро и дарует всем молящимся исцеление от всяческих болезней и напастей.

Акафист Иоанну Богослову

Красивое церковное песнопение, посвящённое и обращённое к апостолу, имеет огромное значение и чудодейственную силу. В нём заключены главные пророчества святого, его земные деяния и помыслы. Но главное – оно дарует Любовь, ибо только в ней сокрыто долгожданное спасение и обретение вечной жизни.

Текст акафиста святому апостолу:

Кондак 1

Избранный от мрежей рыбарских на проповедь Евангелия, и от ловли рыб на уловление человеков во свет истиннаго боговедения, о великий Апостоле, учениче, друже и наперсниче Христов, моли единаго истиннаго Человеколюбца, Егоже ты серафимскою любовию возлюбил еси, да помилует нас, ищущих твоего к Нему предстательства и зовущих ти: Радуйся, Иоанне Апостоле, наперсниче Христов и Богослове.

Икос 1

Ангельских Сил и всякия твари Творца, Владыку и Господа, восприемшаго плоть нашу и явльшагося на земли спасения нашего ради, узрев ходящаго при мори Галилейстем и взывающаго тя со братом твоим, Иоанне блаженне, в звание апостольства, оставль мрежи рыбарския и отца твоего в корабли, неуклонно оттоле последовал еси стопам Спасителевым. Сего ради вопием ти сице:

Радуйся, любве ради Христовы отца по плоти оставивый.

Радуйся, Христом Небеснаго Отца обретый.

Радуйся, мир и вся его прелести презревый.

Радуйся, небесная благая в возмездие получивый.

Радуйся, плоть духу совершенно поработивый.

Радуйся, дух твой Сладчайшему твоему Учителю Иисусу покоривый.

Радуйся, Иоанне Апостоле, наперсниче Христов и Богослове.

Кондак 2

Видя Христос Господь непорочную чистоту твоего сердца, плотскими сластьми не омраченную, суди тебе достойна быти зрения таинственных откровений, имиже проникая во глубину богословия, возможеши проповедати оное во услышание всего мира; сего ради нарече тя «сыном громовым», вопиюща Ему: Аллилуиа.

Икос 2

Разумом истиннаго богопознания озаряя твою душу, шествовал еси по Благом Учителе твоем, учася из уст Его исходящия премудрости и, ради совершеннаго твоего незлобия и девственнаго целомудрия, был еси возлюблен Христом Господем твоим. Услыши убо нас, воспевающих ти сице:

Радуйся, незлобия рачителю.

Радуйся, девства и чистоты хранителю.

Радуйся, любве богословския учителю.

Радуйся, добрых нравов наставниче.

Радуйся, смиренномудрия зерцало.

Радуйся, Божественныя благодати светило.

Радуйся, Иоанне Апостоле, наперсниче Христов и Богослове.

Кондак 3

Силу Божества Христова, сокрытую под облаком немощнаго человеческаго естества, познал еси явно, егда Воскрешаяй дщерь Иаирову и потом Преображаяйся на Фаворе сподоби тя со инеми двема учениками быти свидетелем таковых преславных чудес. Познав же Христа быти Бога истиннго, из глубины сердца твоего воззвал еси Ему: Аллилуиа.

Икос 3

Имея велие дерзновение к возлюбившему тя Христу Сыну Божию, возлегл еси на персех Его при совершении Тайныя Вечери, и егда прорекаше Господь о предатели Своем, тогда един ты дерзнул вопросити о имени его. Сего ради вопием ти:

Радуйся, возлюбленный Христов учениче.

Радуйся, присный Его друже.

Радуйся, невозбранно на персех Господних почивый.

Радуйся, дерзновенно о тайне предательства вопросивый.

Радуйся, паче иных учеников ко Христу ближайший.

Радуйся, яко тебе множае пред другими Апостолы Христос Божественныя тайны открываше.

Радуйся, Иоанне Апостоле, наперсниче Христов и Богослове.

Кондак 4

Буря ярости и зверскаго неистовства жестокосердых и неблагодарных иудеев, егда воста на Христа Сына Божия, тогда вси ученицы Его, страхом объяти бывше, бежаша; но ты, питая к Нему любовь множайшую паче иных, на вся муки Христовы смотря, даже и до креста пребыл еси неотступно, сердечно состраждущи Деве Матери Божией, плачущей и рыдающей, и удивляяся крайнему милосердию и долготерпению Божию, взывал еси Пострадавшему за род человеческий: Аллилуиа.

Икос 4

Вися на кресте пригвожденный за грехи наши Спас мира и видев тебе и Матерь Свою ту предстоящих, усынови тебе Преблагословенней Деве Богородице, глаголя Ей: «Жено, се сын Твой, — и тебе потом: — Се Мати твоя». Мы же, достойно почитая таковую честь, на тебе показанную, воспеваем сице:

Радуйся, усыновления Божия Матере сподобивыйся.

Радуйся, тем наипаче ко Христу, яко некиим духовным родством, присвоивыйся.

Радуйся, Матери Божией достойно послуживый.

Радуйся, во все время на земли пребывания Ея препитавый Ю.

Радуйся, и во успении ко гробу честное и святое Ея тело проводивый.

Радуйся, с блистающимся вравием, Архангелом Гавриилом принесенным, одру Ея предшедый.

Радуйся, Иоанне Апостоле, наперсниче Христов и Богослове.

Кондак 5

Боготечная звезда явился еси во Асии, отшед в ню на проповедание слова Божия, по жребию тебе падшему, но прежде попусти Господь быти тебе поглощену в мори, благодать же Божия, всегда с тобою пребывающая, сохрани тебе во глубинах морских жива и по четыренадесятих днех повеле волне морской воспенившися извергнути тебе на брег, еже егда узре ученик твой Пpoхор, уже оплакивающий твою кончину, велиим гласом воззва чудодействующему Богу: Аллилуиа.

Икос 5

Видевше ефесстии жителие преславное чудо, тобою сотворенное, воскресением отрока Домна умерщвленнаго от беса, в бани пребывающаго, воспеша велегласно силу Бога, тобою им проповеданнаго, и избавльшеся от гнуснаго идолослужения, взываху тебе сице:

Радуйся, истиннаго Бога служителю.

Радуйся, бесов прогонителю.

Радуйся, мертвецев силою Христовою оживляяй.

Радуйся, тоюже жизнь и здравие возвращаяй.

Радуйся, помраченныя умом к Свету Истины призываяй.

Радуйся, правыя веры просвещением к добродетели наставляяй.

Радуйся, Иоанне Апостоле, наперсниче Христов и Богослове.

Кондак 6

Проповедник богоносный слова Божия быв во Ефесе, и усердствуя о распространении благодати Евангельския, подкреплял еси твое учение знаменьми страшными и неудобь постигаемыми: единою бо молитвою опровергл еси капище Артемидино, да зряще сие идолопоклонницы, познают Единаго Бога, Емуже мы вопием: Аллилуиа.

Икос 6

Возсия уже полным сиянием во Ефесе свет веры Христовы, тобою проповеданныя, егда злочестивый Домитиан воздвиже гонение на христианы; тогда и тебе, яко усерднаго исповедника имени Христова, посла епарх в Рим связана, идеже и претерпел еси страшная мучения, ихже ради сретаем тя приветствии сими:

Радуйся, Христова ради исповедания биенный.

Радуйся, чашу смертоноснаго яда невредно испивый.

Радуйся, в конобе елея кипящаго не сваривыйся.

Радуйся, силою Христовою в лютых мучениях цел сохранивыйся.

Радуйся, кесаря, мучащаго тя, пачеестественною безвредностию устрашивый.

Радуйся, тоюже народ о величестве Бога, христианами почитаемаго, уверивый.

Радуйся, Иоанне Апостоле, наперсниче Христов и Богослове.

Кондак 7

Егда узре мучитель, яко и самолютейшия муки, им изобретенныя, не возмогоша умертвити тебе, тогда возмнев тя безсмертна быти, на остров Патмос во изгнание осуждает. Ты же, повинуяся Промыслу Божию, тако благоволившему, с благодарностию воспевал еси Богу, вся во благая устрояющему: Аллилуиа.

Икос 7

Новая показал еси чудеса идолопоклонником, ища обратити их к спасительной вере Христовой, егда пловущу ти во изгнание твое, повелением твоим отрока утопшаго море на корабль жива изверже, буря укротися, вода сланая в сладкую претворися, воин от чревныя язвы исцелися, и по пришествии твоем в Патмос, бес пытливый из Аполлонида изгнася. Тогда вси зрящии таковая непостижимая события, прихождаху к познанию Триипостаснаго Бога. Мы же тя ублажаем тако:

Радуйся, морю и буре повелеваяй.

Радуйся, сатанинских духов от человек изгоняяй.

Радуйся, болезни единым словом исцеляяй.

Радуйся, всем в нуждах помощь подаваяй.

Радуйся, отрока от потопления морскаго избавивый.

Радуйся, неверных во истинной вере утвердивый.

Радуйся, Иоанне Апостоле, наперсниче Христов и Богослове.

Кондак 8

Странно бе видети жрецам Аполлонова храма, яко дом того, егоже они, безумнии, яко бога почитаху, ты единым словом на землю испровергл еси; чудящеся купно и ярящеся на таковое твое дерзновение, идоша к волхву Кинопсу, усердному предстателю бесов, да отмстит безчестие их бога. Он же, слеп сый душею, не ведая силы, в тебе обитающия, покушашеся мечтании и разными привидении тебе устрашити и на тя народ подвигнути: но потом сам, окаянный, надеяся на волхвования своя, погрузися в море и тамо погрязе, безсильным бывшим бесом спасти его, воспрещенным от тебе именем Иисуса Христа Сына Божия, Егоже прослави народ, сего чудесе свидетель, воспев: Аллилуиа.

Икос 8

Весь и всего себе исполнив любве Божественныя, был еси вместилищем даров Святаго Духа: будущая прорицая, отстоящая яко близ сущая сказовая, недужныя исцеляя, жене Анфипатовой, в болезни рождения страждущей, едва на праг дому вступил еси, облегчение даровавый. Приими убо от нас, грешных, похвалы сицевыя:

Радуйся, благодати Божия вместилище.

Радуйся, Духа Святаго обиталище.

Радуйся, реко, чудоточная цельбоносныя болезнем силы.

Радуйся, громе, поражающий древняго змия и его ангелов.

Радуйся, коварство лукаваго сатаны озобличаяй.

Радуйся, верных от козней его защищаяй.

Радуйся, Иоанне Апостоле, наперсниче Христов и Богослове.

Кондак 9

Всякое беззаконие истребляя ревностно от среды людей, к нимже послан был еси, низпровергл единым словом капище Бахусово, Нукиана волхва чудесы препрев, из волка соделал еси кроткаго агнца и привел ко Христовой вере, и мать, неистовным разжжением блуднаго греха к сыну, обличив, обратил еси к покаянию; оныя же, от греха обратившеся ко спасению, немолчно взываху Богу: Аллилуиа.

Икос 9

Витийство любомудрия человеческаго не возможет изрещи, ниже ум плотскаго человека постигнути, еже ты возвестил еси нам о безначальном бытии Триипостаснаго Бога: подобно бо Моисею во громех и блистаниих на горе приял еси от Бога тайну Богословия и возгласил еси миру, еже в начале бе Слово, Отцу искони неразлучное и всему существующему виновное, имущее Свет животный, егоже тьма не может объяти. Озаряеми таковым облистанием света Божественныя Истины, почитаем тя яко таинника Безначальныя Троицы и воспеваем тя яко совершеннейшаго Богослова:

Радуйся, орле, воспаривый до самаго огнеобразнаго Престола Божия.

Радуйся, трубо, возгласившая миру Предвечнаго и Безначальнаго Бога.

Радуйся, недоведомыя тайны Божия нам открываяй.

Радуйся, человечество и Божество Христово нам изъясняяй.

Радуйся, любве к Богу и ближним нас научаяй.

Радуйся, за сию любовь присущность Божию нам обещаваяй.

Радуйся, Иоанне Апостоле, наперсниче Христов и Богослове.

Кондак 10

Спасти хотя души человеческия, всяко поучал еси люди веровати во Христа Сына Божия, имети совесть незазорну и любити друг друга, во еже не токмо зде, но и в селениих праведных воспети лепотно Всемогущему Богу: Аллилуиа.

Икос 10

Стены Горняго Иерусалима узрев во откровении, преподал еси нам проречение того, еже уже есть и имать быти до скончания мира, сказуя нам сие иносказательными словесы, и предоставляя разумети имущим ума Божественнаго. Удивляяся таковой премудрости, тебе от Бога дарованней, воспеваем тя сице:

Радуйся, познанием Альфы и Омеги превозшедый естество человеческое.

Радуйся, вместилище таинств неудобьвмещаемых человеческим умом бывый.

Радуйся, неизреченная Божия откровения узревый.

Радуйся, оныя верным преподавый.

Радуйся, радости святых еще в жизни сей познавый.

Радуйся, оными ныне в преизбыточествии наслаждаяйся невозбранно.

Радуйся, Иоанне Апостоле, наперсниче Христов и Богослове.

Кондак 11

Пения жертву благодарну принесе тебе, святый Апостоле Иоанне, оный христианин, иже в нищету пришед, и не имый чим воздати долги своим заимодавцем, паде в отчаяние, и искаше сам себе насильственною умертвити смертию; но ты, яко человеколюбив сый, желая избавити того и временныя, и вечныя смерти, крестным знамением сено во злато претворив, вручил еси оному убогому, да тем златом и долги отдаст заимодавцем, и дом свой препитает, Богу же, чрез тебе его облагодетельствовавшему, да поет: Аллилуиа.

Икос 11

Светозарная душа твоя, достигнув в меру возраста и в мужа совершенна, позна приближение времени нужнаго человеку изменения, во еже тленному наследити обещанное нетление, и смертному обещанное безсмертие. Тогда повелел еси учеником твоим погребсти себе жива; наутрие же пришедше ко гробу твоему, и откопавше, ничтоже в нем обретоша. Познавше убо, яко изменение твое сотворися не обыкновенным человеческим смертным успением, воспеша тебе тако:

Радуйся, орле, обновивый твою юность безпрепятственным возлетением к Солнцу Славы Божия.

Радуйся, таковым изменением превозшедый вся уставы естества человеческаго.

Радуйся, по обещанию Благаго Учителя твоего возседый на единем от дванадесяти престолов.

Радуйся, творяй на оном суд и правду посреде людей Божиих Израиля.

Радуйся, наслаждаяся лицезрением Того Сладчайшаго Иисуса, к Немуже на перси прежде Его страсти и воскресения возлегл еси.

Радуйся, от Его благоутробия ходатайствуяй нам вся благая.

Радуйся, Иоанне Апостоле, наперсниче Христов и Богослове.

Кондак 12

Благодать дана есть от Бога месту тому, идеже тело твое земли предано бяше, да испускает в день погребения твоего тонкий прах на исцеление болящим, показуя сим чудом, како прославляет Бог любящия Его, да вси, зряще сие, непрестанно сердцем и душею во дни и в нощи вопием Ему: Аллилуиа.

Икос 12

Поюще труды твоя во апостольстве и чудеса и исцеления, яже источал еси и источаеши благодатию Духа Святаго, в тебе обитающаго, восхваляем Бога, даровавшаго нам таковаго путеводителя, наставляющаго нас на путь спасения и милосердствующаго о бедности  нашей. Приими убо от нас, святый Апостоле, похвалы сицевыя:

Радуйся, учениче Христов изящнейший.

Радуйся, учителю Церкве Христовы изряднейший.

Радуйся, богословов начало и основание.

Радуйся, Божественных Таин откровение.

Радуйся, девствующих пример и поощрение к целомудрию.

Радуйся, всех верных, к твоему заступлению прибегающих, скорая помоще и покровительство.

Радуйся, Иоанне Апостоле, наперсниче Христов и Богослове.

Кондак 13

О преславный и всехвальный Апостоле и Евангелисте, наперсниче Христов, возлюбленный Иоанне! Твоим всесильным ходатайством ко Всеблагому твоему Учителю и нашему Владыце и Господу испроси нам вся благая временная и вечная и христианскую кончину живота нашего, да с тобою в селениих праведных и со Ангельскими лики воспоем Триипостасному Богу: Аллилуиа.

Святитель Иоанн Богослов – поистине величайший среди апостолов. Его жизнь – образец для будущих поколений, ведь основа её – всеобъемлющая Любовь и праведная Вера, что ведут каждого христианина к благодатной, а значит, лучшей жизни.

Господь всегда с Вами!

Смотрите еще видео рассказ о Иоанне Богослове:

Добавить комментарий

Ваш адрес email не будет опубликован. Обязательные поля помечены *